- Elon Musk afhenti í dag persónulega fyrsta „þýska“ Tesla Model Y en bíllinn var smíðaður í Gigafactory í Berlín.
Við höfum sagt frá upphafi framleiðslunnar í verksmiðju Tesla í Berlín en Tesla hefur nú formlega afhent fyrsta þýsk-smíðaða Y-bílinn þar, sem markar mikilvæg tímamót í útrás Tesla.
Elon Musk fór í ferðina til Gigafactory Berlín til að afhenda viðskiptavinum fyrstu bílana persónulega og hélt hann stutta ræðu sem er í myndbandi hér fyrir neðan.
Forstjórinn þakkaði öllum sem komu að uppsetningu verksmiðjunnar og gerði sitt til þess að fullvissa fólk um að Tesla muni „gera hið rétta“ með verksmiðjuna:
Musk ítrekaði þá sýn sína að rafknúin farartæki, sólar- og vindorka, ásamt rafhlöðum til orkugeymslu geti unnið gegn loftslagsbreytingum og að Gigafactory Berlin sé „stórt skref“ í þá átt.
Hann sagðist óska þess að þær lausnir gætu fyllt fólk bjartsýni til framtíðar.
Tesla deildi engum upplýsingum um núverandi framleiðslugetu verksmiðjunnar, sem er gert ráð fyrir að nái 500.000 farartækjum á ári þegar fyrsti áfangi verksmiðjunnar er kominn í full afköst, en það gæti tekið mörg ár að komast þangað.
(frétt á vef Electrec)
Aðrar umfjallanir
SHANGHAI - Rafbílaframleiðandinn Byton sagði á þriðjudag að fyrirtækið muni stöðva framleiðslu frá 1. júlí til að framkvæma...
Bíllinn á myndunum með þessari frétt sást fyrir utan reynsluaksturssvæði Volvo í Svíþjóð og þeir sem sjá um vefsvæðið INSIDEEVs...
Fjórða sérsniðna Polestar gerðin verður meðalstór sportjepplingur, í stærð fyrir neðan Polestar 3...
