Jaguar Land Rover frumsýnir á þriðjudagskvöld, 10. maí kl. 20 að íslenskum tíma, þriðju kynslóð af hinum geysikraftmikla Range Rover Sport og verður kynningunni jafnframt streymt á YouTube rás framleiðandans.
Von er á þessari þriðju kynslóð Range Rover Sport til BL við Hestháls í haust.
Ljósmynd/LandRover.com
Tekinn til kostanna á Íslandi
Á kynningunni verður m.a. frumsýnt nýtt myndskeið sem tekið var á Íslandi sem sýnir hvers er að vænta varðandi afköst, getu og aksturseiginleika nýs Range Rover Sport.
Eins og kunnugt er hafa fyrri kynslóðir Range Rover Sport marga fjöruna sopið í ævintýralegum og ávallt árangursríkum heimsmetstilraunum á borð við akstur á aðeins rúmum 12,5 mínútum upp hina snarbröttu leið á Pikes Peak í Colorado sem er 4,5 km löng með alls 156 kröppum beygjum.
Einnig mætti nefna hraðakstur á 416 hestafla Range Rover Sport upp Tianmen fjallgarðinn í Kína 2018, á leið sem kölluð er Drekaslóð, enda um 99 krappar beygjur að fara uns komið var að lokakaflanum sem voru upp 999 þrep í 45 gráðu halla að Himnahliðinu.
Ljósmynd/LandRover.com
Bíl hafði þá aldrei verið ekið upp þrepin áður. Það verður því spennandi að fylgjast með á YouTube hvaða íslenska ævintýri framleiðandinn hyggst bjóða áhorfendum við frumsýningu þriðju kynslóðar Range Rover Sport sem hefst kl. 20 næstkomandi þriðjudagskvöld, 10. maí.
Aðrar umfjallanir
Það er ekki sérlega langt síðan að Volvo lét nokkra splunkunýja bíla falla niður úr krana sem hífði bílana í nokkra hæð. Sá gjörningur var fyrst og fremst til að kanna áhrif slíks...
VW vörumerkið ætlar að hætta framleiðslu bíla með brunahreyfla í Evrópu fyrir árið 2033, fyrr en fyrri markmið fyrirtækisins gáfu til kynna
Rivian Automotive, sprotafyrirtæki á sviði rafbíla með stuðningi Amazon og Ford Motor, á í viðræðum við bresk stjórnvöld um að byggja fyrstu...
Ford Bronco var kynntur árið 1966 og breyttist lítið í gegnum árin enda var bíllinn framúrskarandi vinsæll og þótti vel heppnaður í alla staði. Grjótharður nagli, hagnýtur...