2023 Kia Soul uppfærður og hættir með túrbó
Fleiri staðlaðar öryggiseiginleikar fylgja uppfærslunni
Bandaríski bílavefurinn Autoblog fjallar um nýja útgáfu af Kia Soul, sem fer í sölu vestra í sumar. Við skoðum þetta nánar, en höfum í huga að þetta er skrifað með bandaríska markaðinn í huga svo ekki á allt endilega við þegar bíllinn kemur hingað til okkar, nema þá væntanlega útlitið!
Útlitsbreytingar eru vægar en þó áberandi. Framendinn er með stærstu breytingarnar, sérstaklega hvað varðar ljósin. Efri aðalljósin eru stærri, þó enn tengd með ljósastiku, og stóru neðri ljósin eru nánast horfnir.
Að aftan eru líka nokkrar vægar breytingar ásamt nýrri lýsingu, og það eru nýjar felgur og samsetningar í málningu, eins og svart yfir hvítt og svart yfir blátt.
Innanrýmið hefur ekki breyst mikið, en stærri 10,25 tommu upplýsinga- og afþreyingarskjárinn er staðalbúnaður í öllum bílum nema LX grunninnréttingunni.
2023 Kia Soul GT-Line mynd: Kia
Fyrst minnst er á búnaðarstig, þá hefur Soul-línan dregist saman. X-Line gerðin, sem var með ytri áherslur sem ætlað er að gefa henni torfæruútlit, er nú horfin. GT-Line innréttingin er áfram fyrir þá sem vilja sportlegt útlit, en GT-Line Turbo með 201 ha 1,6 lítra vélinni og tvíkúplingsskiptingu sem vann hug margra fyrir mörgum árum hefur verið hætt.
Sem slíkar eru allar gerðir Soul aðeins fáanlegar með 2,0 lítra fjögurra strokka vel og CVT. Þetta gefur nýjum Soul 147 hestöfl og 178 Nm tog.
Það sem er kærkomið er aukinn fjöldi staðlaðs öryggisbúnaðar yfir línuna, jafnvel í grunngerðinni LX. Þessir eiginleikar fela í sér sjálfvirka neyðarhemlun með greiningu gangandi vegfarenda, miðjustillingu á akreinum, sjálfvirka stillingu hágeislaljósa, athyglisskynjari ökumanns og viðvörun fyrir farþega í aftursæti.
Þessi nýja gerð Soul fer í sölu í Bandaríkjunum í sumar. Verðið hefur ekki verið kynnt, en búist er við að það muni áfram að vera á svipuðu róli og fráfarandi gerð.
Við munum fjalla nánar um þessa nýju gerð þegar það verður ljóst hvenær hún kemur hingað til lands.
Tengt myndband – samanburðarpróf á nokkrum „crossover“ bílum í Bandaríkjunum:
Aðrar umfjallanir
Á seinni árum hafa margar stórmyndir verið kvikmyndaðar hér á landi, eða öllu heldur hlutar þeirra, og þar hefur íslensk náttúra notið sín til fulls...
Rafbíll eftir mikið stuð er ekki spennandi nema síður sé því að ef rafbíll lendir í þannig árekstri að loftpúði (líknarbelgur) springur þá tekur framleiðandi bifreiðarinnar ekki lengur ábyrgð á henni...
Auðvitað er snilldin eina að nota þau tungumál sem menn hafa vald á. En ef það er ekki alveg öruggt er best að sleppa því. Alla vega í beinni útsendingu. Það veit Daniel Ricciardo núna.
Söfnun klassískra bíla hefur alltaf haft yfir sér ákveðið yfirbragð og það virðist þeir sem eru með djúpa vasa eru nú komnir með enn...