Rolls-Royce „fer varlega lengra í leit að algjörri fullkomnun“
Rolls-Royce Phantom uppfærður með endurgerðu grilli, felgum sem sækkja innblástur aftur til 1920 og sérsniðinni Phantom Platino útgáfu
Rolls-Royce hefur kynnt ýmsar uppfærslur fyrir Phantom-bílinn sem er sá best búni í framboði þeirra, sem gefur þessum ofurlúxusbíl létta endurbót.
Eins og þegar hefur sést á minni Rolls-Royce Ghost er grillið á Phantom nú upplýst og, með örlítilli breytingu á lögun grillsins, er Spirit of Ecstasy styttan á húddinu nú meira áberandi en áður.
Nú er einnig möguleiki nýju á grilli með dökkri umgjörð, þar sem liturinn nær áfram upp eftir vélarhlífinni og endar á dökkum ramma umhverfis framrúðuna (eins og sést vel á myndinni efst í greininni). Rolls-Royce segir að koma þessa valkosts á því sem fyrirtækið kallar Phantom Series II sé svar við óskum viðskiptavina.
Það er nú líka lína af fáguðu áli sem tengir sjónrænt tvö dagljós þvert yfir grillið (efst).
Framljósin innihalda stjörnulaga leysisskorin mótíf til að gefa bílnum sýnilegra yfirbragð á nóttunni og einnig til að undirstrika sjónræna tilvísun í innréttinguna, sem hefur innbyggða strengi af LED ljósum sem kvikna eftir að myrkur er komið til að gefa tilfinningu fyrir næturhimni — eflaust fínt fyrir þá sem vilja horfa upp úr aftursætum sem halla má aftur.
Kannski er mest áberandi hluti Phantom (eftir andlitslyftuna) nýju felgusettin tvö, sérstaklega 22 tommu disklaga útgáfurnar sem eru sækja innblástur aftur til 1910 og 20 tommur, og sem eru fáanlegar annað hvort í fáguðu ryðfríu stáli eða lakkaðri svarti áferð.
Annað felgusett nær samtímanum er einnig valkostur, aftur gert úr ryðfríu stáli en mótað með rúmfræðilegum þríhyrndum útskurði.
Rolls-Royce Bespoke er sérsmíðadeild fyrirtækisins sem sérhæfir sig í einstökum, litlum og takmörkuðum verkefnum.
Fyrir Phantom Series II hefur Bespoke búið til Phantom Platino í takmörkuðu upplagi. Í þeirri útfærslu eru aftursætin úr blöndu af hvítu silki og slitsterku efni úr bambustrefjum.
Yfirborðið (þar á meðal armpúðarnir) er útsaumað með óhlutbundinni útfærslu á Spirit of Ecstasy; hönnun sem birtist einnig að framan, umhverfis klukkuna á mælaborði Platino.
Og að sjálfsögðu er barinn innan seilingar hjá þeim sem láta fara vel um sig í aftursætunum.
Forstjóri Rolls-Royce, Torsten Müller-Ötvös sagði: „Við erum mjög meðvituð um álit viðskiptavina okkar fyrir og ást þeirra á Phantom-bílunum sínum.
Þeim fannst ekki hægt að bæta bílinn; en þó við virðum þá skoðun náttúrulega, teljum við að það sé alltaf mögulegt, reyndar nauðsynlegt, að ganga varlega lengra í leit okkar að algjörri fullkomnun.
(grein á vef Sunday Times – myndir Rolls Royce)
Aðrar umfjallanir
Þegar ein öld og nokkrir áratugir betur eru frá því að „bílaöldin“ gekk í garð hefur ýmislegt breyst – og flest til batnaðar. Það getur verið gaman að skoða hvernig þetta var í bílum hér áður fyrr, jafnvel fyrir aðeins nokkrum árum eða áratugum, eða hvernig þetta er í dag.
Mercedes-Benz gerir ráð fyrir að frumsýna EQE stóra rafbílinn sem eingöngu notar rafhlöður í september, sagði Ola Kallenius forstjóri...
Á rafbílasíðu á Facebook vísaði einhver til kurteisisvenja á hleðslustöðvum. Það er sniðugt að skoða þessi mál aðeins, enda ómögulegt að frumskógarlögmálið ríki þegar allir eru að reyna að gera jarðarkúluna að betri stað til að búa á.
Það er nú það. Í það minnsta getur það lengst. PT Cruiser hefur af mörgum verið talinn með óheppilegri bílum hvað hönnun og hinn sýnilega hluta bílsins snertir. „Ljótur“ er það orð sem oft hefur heyrst í sömu andrá og PT Cruiser hefur verið nefndur.