Það er nú það. Í það minnsta getur það lengst. PT Cruiser hefur af mörgum verið talinn með óheppilegri bílum hvað hönnun og hinn sýnilega hluta bílsins snertir. „Ljótur“ er það orð sem oft hefur heyrst í sömu andrá og PT Cruiser hefur verið nefndur.
Í gær deildi einhver þessari mynd á Reddit:
Kom mér nokkuð á óvart að í umræðuþræði undir myndinni voru nokkrir á því að í fyrsta skipti þætti þeim PT Cruiser ekki ljótur. Þegar hann var orðinn lengri.
Spes!
Örþrifaráð eða eitthvað enn verra?
Þetta fékk mig til að hugsa um nokkuð sem er voðalega ljótt. Hvað þá?
Jú, fleiri PT Cruiser-a.
Dæmið hér að ofan er eitt af mörgum um til hvaða örþrifaráða mannfólkið hefur gripið í þeirri áhugaverðu viðleitni að reyna að fegra PT Cruiser. Það er sérstakt hve mörg dæmi eru um slíkt.
Hann hefur ekki komist ofan í...
Áður en lengra er haldið er rétt að geta þess að sú er þetta skrifar hefur eitt sinn ekið PT Cruiser. Það var þegar bíllinn var tiltölulega nýkominn á markað í Ameríku og þar var ég einmitt stödd. Fólk hafði sennilega ekki myndað sér skoðun á bílnum og var mikið glápt. Á bílinn, ekki mig.
Þetta kom nú eingöngu til af því að þessi tiltekni bíll var sá eini sem eftir var á bílaleigunni þann daginn og því ekki um neitt að velja.
Og að lokum ...
Myndirnar eru flestar fengnar gegnum Pinetrest og því erfitt að geta ljósmyndara. Enn erfiðara er að geta eigenda bílanna, enda fara þeir sennilega flestir huldu höfði. Eðli máls samkvæmt.
Aðrar umfjallanir
Rafbíll eftir mikið stuð er ekki spennandi nema síður sé því að ef rafbíll lendir í þannig árekstri að loftpúði (líknarbelgur) springur þá tekur framleiðandi bifreiðarinnar ekki lengur ábyrgð á henni...
Nissan Max-Out blæjugerð á rafbíl er raunveruleg gerð af stafræna hugmyndabílnum sem fyrst var sýndur árið 2021...
Við könnumst öll við litlu sendibílana sem bruna um þjóðvegi landsins með erlenda ferðamenn. Ferðamenn sem spara sér gistinguna með því að gista í þessum venjulegu sendiferðabílum sem hafa verið búnir svefnaðstöðu. Núna hefur Renault þetta skrefinu lengra og innréttað slíkan bíl sem „fimm stjörnu hótel“ að eigin sögn.
Brimborg er í hópi stærstu bílaumboða landsins með um 300 starfsmenn og selur þúsundir notaðra bíla á hverju ári.