Fimmtíu manns vörðu heilum mánuði hér á landi á vegum Lamborghini í miklu ævintýri: „Esperienza Avventura“. Í gær voru myndir úr þessu ævintýralega ferðalagi fyrst birtar á veraldarvefnum. Myndirnar eru stórkostlegar!
Ellefu Lamborghini Urus, fimmtíu viðskiptavinir og rúmlega fimm þúsund kílómetra ferðalag undir yfirskriftinni „Esperienza Avventura“ eða Ævintýraupplifun (eða eitthvað í þá veru). Þetta var ferð til Íslands.
Lamborghini skipulagði ferðina fyrir þá viðskiptavini sem vildu upplifa almennilegt ævintýri í umhverfi þar sem allt, já allt, getur gerst! Velkomin til Íslands.
Daglega voru að meðaltali eknir um 300 kílómetrar.
Farið var eftir suðurströndinni, Reykjanesið skoðað og já, ætli við könnumst ekki flest við staðina út frá myndunum. Kannski óþarfi að tíunda nákvæmlega hvar ekið var.
Hér er m.a. fjallað um ferðina.
Og einnig má lesa um ferðina hér.
Nánari umfjöllun á síðu framleiðandans um Esperienza Avventura er að finna hér.
Þvílíkar myndir og þvílíkt landslag!
Það er nokkuð skondið til þess að hugsa að hér á landi sé raunar enginn bíll til af þessari gerð. En þannig er það nú bara.
[Ljósmyndir: Lamborghini.com]
Fleiri fallegir bílar í íslensku umhverfi:
Aðrar umfjallanir
Fiat er að skipuleggja nýja sókn á sviði rafbíla á viðráðanlegu verði. Bílarnir verða settir á markað á næstu fimm árum - og ítalska vörumerkið mun skapa 500...
MILAN - Fiat Chrysler er að setja í gang verkefni í sínum sögulega ítalska heimabæ, Tórínó til að láta bíla sína með tengitvinnbúnaði fara sjálfkrafa...
Nýr Audi Q8 e-tron var forsýndur hjá Heklu í dag. Viðburðurinn var vel sóttur og fullt út úr dyrum þegar við hjá Bílablogg mættum á staðinn. Um er að ræða flaggskip Audi...
Núna er vetrartímabilið senn að renna sitt skeið og eftir nokkra daga stöndum við sem höfum verið að nota sérstök vetrardekk frammi fyrir því að skipta um og setja sumardekkin undir.