Laddi í hlutverki Jódínusar á níu tonna Volvo

„Ég ræð yfir framleiðslutæki sem er tólf tonn og átján hjól og slítur vegum ávið 35 þúsund bíla. Hvar er þinn bíll? Umbi: Ég hef aldrei eignast bíl. Og þetta er í fyrsta sinn að ég tala við mann sem ekur tólftonnabíl.“

Þeir Laddi og Siggi Sigurjóns á tökustað myndarinnar.

Sigurður Sigurjónsson lék þá umboðsmann biskups en Þórhallur Sigurðsson (Laddi) lék skáldið og verkamanninn Jódínus Álfberg. Tilvitnunin að ofan er úr 19. kafla bókarinnar Kristnihald undir Jökli en bókin kom fyrst út árið 1968.

„Verk meistara, en kannski ekki meistaraverk“

Hér má lesa fyrstu gagnrýnina um bókina en hana skrifaði Þráinn Bertelsson fyrir Vísi og birtist gagnrýnin þann 7. október 1968. „Kristnihald undir Jökli er verk meistara, en kannski ekki meistaraverk. En það er hverjum manni hollt að fara á smávegis kennderí í þessari nýju bók Halldórs,“ skrifaði Þráinn meðal annars í gagnrýni sinni.

Vörubíllinn sem Laddi ók í þessu skemmtilega atriði sem hér er til umfjöllunar er raunar ekki alveg „tólf tonn og átján hjól og slítur vegum ávið 35 þúsund bíla“ heldur rúm níu tonn og hjólin undir honum eitthvað færri en átján.

Trukkurinn sá var skráður árið 1966 og voru það snillingar í grúppunni Gamlir vörubílar á Íslandi sem hjálpuðu mér að finna út hvaða gerð af Volvo þetta er. Það kemur nefnilega ekki fram þegar honum er flett upp.

Niðurstaðan var sú að hér væri að öllum líkindum um að ræða Volvo N88 og þakka ég þeim fjölmörgu sem brugðust við fyrirspurn minni.

Hér er Laddi sem Jódínus Álfberg, á tali við umba í hinni óborganlegu mynd sem Kristnihald undir Jökli er:

Þessu tengt:

Ekið á gargönum eftir ropvatni - Laxness og bílar

Citroën DS sem var „skilinn eftir“ í sandinum á Snæfellsnesi

Hvað finnst þér, lesandi góður? Smelltu hér til að skapa umræður við Facebookfærslu þessarar greinar! Og endilega láttu þér „líka“ við okkur á Facebook til að missa ekki af fréttum úr bílaheiminum.

Við reynsluökum bílum, tökum viðtöl, skrifum greinar og fjöllum um bíla á óhlutdrægan hátt. Umferð, öryggi, vegir, tryggingamál og allt annað sem tengist bílum og umferð. www.bilablogg.is

Aðrar umfjallanir

Renault Kangoo valinn sendibíll ársins 2022

Ný kynslóð hins geysivinsæla sendibíls Renault Kangoo, sem kemur á markað á næsta ári, hlaut í nóvember alþjóðlega titilinn „Sendibíll ársins“ 2022

Lewis Hamilton heldur námskeið

Nú myndu einhverjir halda að Hamilton ætlaði sér að gerast ökukennari en svo er ekki. Hann hefur sennilega ekki tíma til þess, auk þess sem það er eflaust mun hættulegara starf en að vera ökumaður í Formúlu 1. En hvað ætlar hann að kenna?

Volvo FH16 mest seldi vörubíllinn

Nýir Volvo vörubílar seljast eins og heitar lummur þessa dagana og það sem af er ári er Volvo með 31% hlutdeild af seldum vörubílum yfir 10 tonn...

Rafhippabíllinn ID. Buzz mun koma öllum í stuð

Volkswagen er smám saman að opinbera frekari upplýsingar um framleiðsluútgáfu ID.Buzz hugmyndabílsins. Við sáum bílinn sem mjög dulbúna sjálfakandi skutlu í september 2021 og nýjasta myndin sem þýski bílaframleiðandinn sendi frá sér sýnir rafmagnsbílinn í mun minni felulitum.