„Jeg var altaf með hausinn uppi í bílþakinu“ -– Ferðasaga frá 1929

Brot úr stórskemmtilegri ferðasögu Englendings nokkurs birtist í Morgunblaðinu fyrir rétt rúmum 95 árum síðan. Það gekk á ýmsu og hér er sagan eða sá útdráttur sem birtur var í blaðinu þann 13. október árið 1929.

„Englendingur, sem hjer var í sumar, R. Herring að nafni, hefir skrifað í enskt blað grein um bílferð til Þingvalla, og birtist hjer útdráttur úr henni.“

En svo fór að rigna og vegurinn versnaði stöðugt. Hann var ósljettur, grýttur og holóttur. Bílstjórinn reyndi að krækja fram hjá holunum, en svo sprakk einn hjólhringurinn. Í hálfa klukkustund var bílstjórinn að gera við hann, og kom aftur rennvotur upp í bílinn. Þetta var miðja vegu milli Þingvalla og Reykjavíkur.

Á öðrum stað riðum við niður mann á bílunga. Hann vildi ekki víkja, svo að við ókum bara á hann — hispurslaust, hægt en ákveðið. En þá höfðum við setið í bílnum í sex stundir og vorum svo aðsettir, að við höfðum engan áhuga fyrir þessu og urðum ekki einu sinni hissa.

Ekki var betra á heimleiðinni, því að þá var ekið ofan í móti og bílstjórinn hraðaði ferðum, vegna þess, að hann var orðinn of seinn. Á einum stað hljóp fjárhundur fyrir bílinn og við ókum yfir hann. Mjer varð litið aftur og sá að bíllinn hafði farið yfir hundinn, en hann stökk á fætur og sá ekki að neitt gengi að honum. Hundurinn var líka íslenskur.

Fleiri ferðasögur úr fortíðinni:

Eftirminnileg bílferð á réttarball um 1930

Ótrúlegt að bíll kæmist leikandi yfir Öxnadalsheiði

Einstakar bílamyndir úr Íslandsferð 1934

1965: Svíinn, glymskrattinn og Landrover-inn