Hvað kosta vetrardekkin?
Hjólbarðar eru hluti af rekstrarkostnaði bíleigenda. Framboðið er talsvert og verðið eftir því. Það skiptir reyndar gríðarlegu máli að aka um á dekkjum sem henta bæði bíl og árferði.
Markaðurinn samanstendur af nokkrum stórum dekkjasölum sem bjóða upp á helstu dekkjamerkin á markaðnum í dag. Þau fyrirtæki sem við skoðum hér eru: Dekkjasalan, Dekkjahöllin, Barðinn, Klettur, Hjólbarðaþjónusta N1, Max 1, Nesdekk, Gúmmívinnustofan, Sólning og Betra grip.
Ansi mikil breidd í úrvali
Reyndar sögðu þeir dekkjasalar sem við höfðum samband við að með tilkomu rafbíla hefði úrvalið aukist enda mjög mismunandi stærðir undir rafbílunum og oft stærri dekk – allt upp í 21 tommu.
Rafbílar noti dekk sem eru breiðari og þola meiri burð enda rafbílar mun þyngri vegna rafhlaðanna.
Skoðum verð á dekkjum eins og passa undir venjulegan fólksbíl t.d. Kia Ceed. 185/55/15 og reiknum með heildarverði fyrir fjögur dekk (án umfelgunar).
Mismunandi góðir hjólbarðar
Einkenni góðra hjólbarða eru að munstur veiti stutta hemlunarvegalengd, þrýsti vatninu vel frá gripfletinum og séu hljóðlátir.
Dekkjasalan
185-55-15 Nankang SW-8 86T - nagladekk – verð 64.000 kr.
Dekkjahöllin
185-55-15 – Winterclaw Extreme Grip – neglanleg dekk – verð 51.984 kr.
Barðinn
185/55R15 V Goodyear Ultra Grip – óneglanleg – verð 95.960 kr.
Klettur
185/55R15 V Goodyear Ultra Grip 9+ 82T – óneglanleg – verð 95.960 kr.
Hjólbarðaþjónusta N1
15 R 185/55 Leao Winter Defender Grip 86T TL – míkróskorin, negld – verð 63.960 kr.
Max 1
NOKIAN NORDMAN RS2 – vetrardekk – verð 59.960 kr.
Nesdekk
NORDEXX WinterSafe 82H – óneglanleg vetrardekk – verð 51.960 kr.
Gúmmívinnustofan
185/55R15 V Goodyear Ultra Grip 9+ 82T – óneglanleg vetrardekk – verð 95.960 kr.
Sólning
185/55R15 V Goodyear Ultra Grip 9+ 82T – óneglanleg vetrardekk – verð 95.960 kr.
Hvað er harðkornahjólbarði?
Ákveðnu magni af iðnaðardemanti er bætt í sem styrkir dekkin. Grip er einstaklega gott og endingartíminn lengri en hefðbundinna dekkja. Harðkornadekk hafa komið mjög vel út í beygju- og bremsuprófunum.
Hvað þýða upplýsingarnar?
Þessu tengt:
Aðrar umfjallanir
Sýningarsalir Polestar eru ekki hefðbundnir. Það er verið að útbúa einn slíkan hér og þar er allt gert eftir kúnstarinnar reglum. Tónlistarkonan Lisa Nordströn er eins konar Hildur Guðnadóttir Svíanna og hún hefur skapað áhugaverðan hljóðheim fyrir sýningarsalina.
Hvað er betra eftir erfiðan vinnudag en góð hávaðakeppni? Manni dettur eitt og annað betra í hug en hvað um það. Hér eigast við tveir náungar, hvor á sínum VW Golf 6 GTI og flugeldasýningin hefst. Með tilheyrandi hávaða.
Það er oft dálítið spes að sjá bíl úr Formúlu 1 aka í öðru umhverfi en vanalega. Þ.e. utan keppnisbrautarinnar og innan um hefðbundna bíla.
Þessi franski langferðabíll var býsna heitt farartæki, enda eins konar gróðurhús á hjólum. Þegar farþegar voru orðnir sjóðandi heitir og kjarnhiti á við nokkuð temmilegt „roast beef“ var langferðaofninum breytt aðeins. Enda eru ofeldaðir ferðalangar ekki góðir.