Rafmagnaður Volkswagen ID.R sagður á leiðinni með nýrri rafhlöðutækni
R-deild Volkswagen er væntanlega að breytast í undirmerki rafbíla
Sókn Volkswagen í átt að alrafmagnaðri framtíð er þegar hafin með almennum bílum þeirra, en fyrirtækið hefur nú opinberað áætlanir um framboð á öflugum rafbílum sem munu bera R-heitið.
Líkt og núverandi R-lína verða þessi afbrigði þróuð á hraðakstursbraut og Volkswagen mun sækja hönnun til ID.R til að hanna nýju bílana.
Árið 2030 verður R-línan orðin að fullu rafknúin, en ekki búast við að sjá heitari afbrigði af núverandi MEB-byggðum gerðum eins og ID. 3. Reinhold Ivenz, yfirmaður Volkswagen R, sagði eingöngu við Auto Express: „Við ræddum nokkrar hugmyndir í MEB heiminum og við erum ekki viss um hvað við getum gert við rafhlöðuna í augnablikinu.
MEB grunnurinn sem er undirstaða rafmagnsbíla Volkswagen býður nú upp á allt að 295 hestöfl í ID.4 og ID.5 GTX, en framtíðar rafknúnar R gerðir munu nota næstu kynslóð rafhlöðu- og mótortækni til að ná langt framhjá þessari tölu.
„Næsta kynslóð rafmagnsgrunns hefur miklu meiri hestöfl,“ sagði Ivenz. „MEB er ekki svo öflugur, en við hugsum ekki í hestöflum, við hugsum í hröðun. Ef við viljum til dæmis 0-100 km/klst á 4,0 sekúndum munum við ræða hversu mikið afl við þurfum til að ná þessu“.
Til að ná slíkri hröðun í tiltölulega þungum rafbíl gætu rafknúnar R-gerðir komið með afköst upp á um 500 hestöfl.
Í ljósi þess að þessar rafknúnu R gerðir munu nota endurskoðaða aflrásartækni sem kemur frá ID.R verkefninu, er ekki gert ráð fyrir að þetta sjáist á markaði í að minnsta kosti tvö ár í viðbót.
(byggt á frétt á vef Auto Express)
Aðrar umfjallanir
Íslenskt sumar með tilheyrandi fuglakvaki og notalegheitum. Tveir bílar í götuspyrnu rjúfa kyrrðina eitt andartak en um leið og þeir eru farnir hefst kvakið á ný. V8 rymur, lóan syngur dirrindí og allt er eins og það á að vera: Götuspyrnan á Akureyri eins og hún gerist best.
Myndir af annarri gerðinni í mikilvægri uppbyggingu VW hafa komið fram úr skjölum sem lögð voru fyrir kínversk stjórnvöld...
Á síðum á borð við Amazon og eBay er hægt að kaupa aragrúa bílaaukahluta. Sumir þeirra eiga að létta bílstjórum lífið en geta í raun stytt þeim aldur, ef svo leiðinlega má komast að orði.
Heimsmeistari í Formúlu 1 öðlast með titlinum rétt til að nota keppnisnúmerið 1. Það ætlar Max Verstappen að gera á komandi keppnistímabili. En svo bar tímavélin blaðamann aftur til númersins 0 sem eitt sinn fékk að vera með í Formúlu 1.