Pallbíll sem byrjaði sem Wrangler 4Xe Rubicon
Quadratec frumsýndi sérsniðinn tveggja dyra jeppa Wrangler 'JTe' á SEMA
SEMA-sýningin í Las Vegas er þessa dagana vettvangur ýmissa nýjunga, og þar á meðal jeppinn hér að ofan.
Þessi einstaki Wrangler er kallaður „JTe“ og miðar að því að fagna 30+ ára starfsemi Quadratec.
Með því að nota Wrangler 4Xe Rubicon sem grunn, vann Quadratec með jeppabreytifyrirtæki Greg Henderson að því að búa til tveggja dyra yfirbyggingu sem gat sigrað hvaða torfæruslóða sem er.
Quadratec Jeep Wrangler 4xe JTe á SEMA-sýningunni.
Quadratec Jeep Wrangler 4xe JTe að aftan.
PHEV aflrás Wrangler 4Xe Rubicon var óbreytt, sem þýðir að JTe er með 17,3 kWh rafhlöðu ásamt 2,0 lítra turbo I-4. Heildarafl er 375 hö.
JTe er með sérsniðna „Quadratec“ græna málningu, J5 50 tommu LED ljósastiku, Oracle Lighting innfelld LED afturljós, 17 tommu brons Lynx TrailGunner felgur og 37 tommu Nitto Recon Grappler dekk.
Quadratec Jeep Wrangler JTe innrétting
Að innan hefur sérsniðnum Katzkin sætum úr 4Xe verið bætt við ásamt Quadratec gólfmottum fyrir allar veðuraðstæður. Overland Outfitters geymsluslá hefur einnig verið bætt við.
Quadratec mun nota JTe mikið á næstu árum sem hluta af '50-fyrir-50' „Trail Clean Up Initiative“, sem er átak ekki ósvipað hreinsunarátaki 4x4 og Slóðavina hér heima. 50 fyrir 50 er gert í samstarfi við samtökin Tread Lightly! sem ekki eru rekin í hagnaðarskyni og miðar að því að hreinsa slóða í hverju ríki Bandaríkjanna á næstu 2 árum.
(frétt á vef INSEDEEVs og AutoEvolution)
Aðrar umfjallanir
Reuters fréttastofan birti frétt um það að meðalaldur bandarískra fólksbíla og minni pallbíla hækkaði í 12,1 ár árið 2020, sem er hærra en nokkru sinni fyrr, þar sem Bandaríkjamenn...
Dodge Ram TRX 2022 er einn sá svakalegasti pallbíll sem völ er á í dag. Þess vegna er ekkert grín að missa stjórn á svona ökutæki, eins og bílstjóri nokkur í Kaliforníu komst að á dögunum.
Það verða harðgerðar, mildar og stílhreinar útfærslur á tengiblendingnum RAV4 sýndar á Toky Auto Salon...
Skömmu fyrir 100 ára afmælið var Audrey Matheson spurð hvernig hún vildi fagna tímamótunum. Jú, það var eitt sem hana langaði að gera og það var að fara í bíltúr á rauðri Corvettu. Og að bílnum væri ekið hratt!