Er Aston Martin frægasti bíll í heimi?
Bretar eiga sér fortíð sem er ólík öllum öðrum
Breska heimsveldið er kjörið dæmi um þetta
Ef við horfum aftur í tímann þegar breska heimsveldið stóð sem hæst, var það eitt öflugasta í mannkynssögunni og samanstóð af næstum fjórðungi alls íbúa heimsins á þeim tíma.
Fæðing Aston Martin
Eitt gott dæmi um frábæran árangur þeirra er Aston Martin, leiðandi framleiðandi lúxussportbíla.
Þetta eru lúxusbílar sem hannaðir eru til að aka á miklum hraða og fara langar vegalengdir.
Þrátt fyrir að Aston Martin hafi aðeins framleitt eina glænýja gerð, sem kallast DB11 á síðasta áratug, á Aston Martin sér fræga sögu.
Vandræðatímar
Seinni heimsstyrjöldin hafði slæm áhrif á Aston Martin. Þegar átökin náðu hámarki var fyrirtækið á markaði og leitaði að nýjum eiganda. David Brown, athafnamaður, svaraði auglýsingu í dagblaði og keypti vörumerkið fyrir 20.500 sterlingspund árið 1947.
DB serían fékk nafn sitt af frelsara fyrirtækisins. Fyrsti bíllinn með DB upphafsstöfunum kom fram í dagsljósið 1950.
Það hafa verið nokkrar gerðir síðan, sérstaklega á meðan Brown starfaði á 50 og 60 áratugnum.
Aston Martin DB5
Ef það er til endanlegur Aston Martin bíll þá er þetta sá! Fimmta útgáfan í goðsagnakenndu seríunni var opinberuð árið 1963 og var framleidd til ársins 1965.
Bíllinn naut frægðarstöðu sem val James Bond á bíl, sem kom fyrirtækinu í nýjar hæðir.
Þar sem sala bílum hjá Aston Martin var einkum framleiðsla á lúxusbílum var framleitt magn DB5 bíla takmarkað við aðeins 1059 einingar.
Staðreyndir og eiginleikar
Nokkrar endurbætur voru gerðar á DB5 miðað við forvera hans. DB5 er hannaður af ítalska bílasmiðnum „Carrozzeria Touring Superleggera“ og er 2ja dyra, 4 sæta coupe.
Fyrirtækið bætti einnig við 6 strokka línuvél með 4 lítra rúmtaki og 3996 rúmsentimetrum, sem þýðir að vélin er 3,96 lítra slagrými.
DB5 var með tvöfalda yfirliggjandi kambása ventlastýringu og 282 hestöfl sem hámarksafl. Hvað hröðun varðar, þá nær hann 0-96,5 km/klst á 8,1 sekúndu og nær í 160 km/klst á 25 sekúndum.
Aston Martin framleiddi einnig blæjuútgáfu af DB5. Aðeins 123 bílar voru smíðaðir.
Nafnið er Martin, Aston Martin
Líkt og við munum, þá segir Bond í kvikmyndunum, „nafnið er Bond, James Bond“ þá má segja að hægt sé að ávarpa DB5 á svipaðan hátt.
DB5 naut óvenjulegrar athygli fyrir vikið og var kallaður „fallegasti bíll í heimi“ af aðdáendum.
Í hlutverki leyniþjónustumannsins sem Sean Connery lék, átti persónan að vera sýnd akandi Jaguar. Þeir vildu hins vegar að framleiðendur borguðu fyrir bílana. MI5-leyniþjónustumaðurinn notaði silfurlitann DB5 og restin, eins og þeir segja, er saga.
Eftir að hafa fest sess í „poppmenningunni“ hefur DB5 fengið endurnýjun á 21. öldinni. Bíllinn hefur verið með í öllum fjórum nýjustu James Bond myndunum: Casino Royale; Quantum of Solace; Skyfall; og Spectre.
DB5 deildi sviðsljósinu með öðrum bíl fyrirtækisins í fyrstu þessara kvikmynda, endurbættri gerð DBS V12.
Þó Bond hafi notað nóg af bílum síðan hann var skapaður hugmyndafræðilega af enska rithöfundinum Ian Fleming á fimmta áratugnum, þar á meðal bíla sem framleiddir voru í Ameríku og Þýskalandi, er litið á Aston Martin DB5 sem hinn fullkomna bíl James Bond.
Niðurstaða
Eftir á að hyggja er DB5 mikilvægasta gerðin sem framleidd er af AsSton Martin í meira en aldargamalli sögu fyrirtækisins.
Hann hefur veitt þeim óhemju velgengni, sérstaklega þegar hann var tengdur við 007.
Það er vitnisburður um DB5 að meira en 50 árum eftir að hann var fyrst settur á markað hefur honum tekist að vera bíll sem skiptir máli!
(grein sem birtist á sínum tíma a vef My Start)
Aðrar umfjallanir
Hann var um ársgamall þegar hann byrjaði að tala. Og hann talaði bara um bíla. Sex ára gamall bað Patch Hurty bílaframleiðendendur um bílamerki því hann var að safna þeim. Viðbrögðin voru einfaldlega stórkostleg!
Væntanlegur Volkswagen Aero B hefur enn og aftur sést á ferðinni, og myndir af honum gefa okkur bestu sýn...
Í gegnum árin hafa bílar orðið jafn mikilvægir í kvikmyndum og þeir eru í raunveruleikanum...
Væntanleg breyting á ívilnun yfirvalda vegna tengitvinnbíla frá og með áramótum hefur verið í fréttum síðustu daga, og þá helst vegna þess að séu slíkir bílar til hjá umboðum, þá séu þeir annað hvort uppseldir eða fráteknir.