Ótrúlega vel með farinn
190SL var framleiddur frá maí 1955 til febrúar 1963. Bíllinn var kynntur á bílasýningunni í New York árið 1954. Þá strax var bíllinn boðinn með lausum harðtoppi.
190SL var kynntur sem valkostur á móti 300SL bílnum og deildi með honum grunnhönnun, fjöðrun og vél.
Reyndar upplýsti Mercedes ekki hvað SL þýddi þegar bíllinn var kynntur.
Léttur og skemmtilegur
Þessi var kallaður „Stuttgart Sport Tourer”. Glæsilegur fulltrúi sjöunda áratugarins í þýskri sportbílasögu.
Hann er staðsettur í Bandaríkjunum um þessar mundir og er til sölu.
Og það sem meira er að síðasta boð stendur í 55 þúsund dollurum en það eru ennþá 7 dagar og 23 klukkutímar eftir af uppboðstímanum þegar þetta er skrifað.
Nánast ókeyrður
Bíllinn er ekki ekinn nema um 67 þúsund mílur af aðeins tveimur eigendum frá uppafi. Benzinn er allur „original”, innrétting, sæti og boddý.
Aðeins 3.792 bílar voru framleiddir árið 1961 en þessi SL Class er þeirrar árgerðar.
Þetta er að sjálfsögðu bílskúrsbíll og alveg laus við ryð, segir í sölululýsingu.
Það hefur ekkert verið átt við grind bílsins og því má leiða getur að því að hann hafi ekki lent í neinum stórum óhöppum á líftímanum.
Snöggur og lipur
SL bíllinn er með 1,9 lítra SOHC, fjögurra strokka línuvél sem mælist um 120 hestöfl. Ný svona vél átti að toga um 114 lb-ft skv. upplýsingum frá Mercedes-Benz.
Það eru fáar rispur á lakki en það hefur ekki verið gert neitt við lakkið frá upphafi – semsagt ósnert að sögn seljanda.
Allur bíllinn er mjög hreinn, bæði undirvagn og boddý.
55.000 dollarar
Leður á sætum er í þokkalegu standi en talsvert hrukkað og rispað eftir áratuga notkun. Teppi eru upphafleg og í góðu ástandi, harðtoppurinn einnig.
Fleira í svipuðum dúr:
Aðrar umfjallanir
Síðustu vikurnar hafa margir spurt sig að því hvort Formúla 1 sé að þróast út í einhverja vitleysu? Síðasta sólarhringinn hefur sú spurning ítrekað komið upp hvort barátta þeirra Hamiltons og Verstappens um titilinn sé endanlega farin úr böndunum. Er það svo?
Hér er stórgott myndband sem sýnir „time lapse“ af því þegar Chevy small-block V8 úr Chevrolet Chevelle ´66 er tekin í frumeindir og svo endurbyggð á sómasamlegan hátt. Virkilega flott myndband sem gleður, hressir og bætir.
Eitt mikilvægasta öryggistækið á bílnum eru þurrkublöðin. Núna þegar veður gerast misjöfn er mjög mikilvægt að þau séu í lagi...
Við fjölluðum um bílaframleiðandann Dacia á dögunum af því tilefni að fljótlega á þessu ári verða þau skemmtilegu tímamót í sögu Dacia Duster að tveggja milljónasta eintakinu verður ekið af færibandi bílaverksmiðjunnar í Mioveni í Rúmeníu frá því að framleiðsla bílsins hófst árið 2010.