'Slavia' - verkefni nemenda í hönnunarskóla Skoda er tilbúið
- Nýjasta verkefnið frá nemendum við Skoda akademíuna fólst í því að taka þakið af Scala til að minnast eins af gömlu bílunum í kappakstrinum
Við sögðum frá því í máli og myndum hér á vefnum á dögunum að nemendur í hönnunarskóla Skoda voru að leggja drög að því að smíða flottan sportbíl – til að minnast eins af gömlu kappakstursbílunum frá Skoda.
Það er greinilega fáránlegt gaman að vera námsmaður í Skoda-hönnunarskólanum. Í fyrra bjuggu lærlingarnir til „Mountiaq“ sem byggður er á grunni Kodiaq og sem hefur nýlega verið fylgt eftir með þessum sportara „Slavia“.
Slavia er innblásin af Skoda 1100 OHC, sem var í kappakstrinum á sjötta áratugnum og notar Scala hatchback, eða hlaðbak sem upphafspunkt. Þakið hefur verið tekið af og skipt út fyrir tvær upphækkanir, og afturhurðirnar hafa líka verið fjarlægðar.
Það eru fleiri hlutir til staðar úr öðrum áttum, í formi 320 watta hljóðkerfis og öflugs 2250 watta bassabox. Þegar litið er inn í farþegarýmið blasir við nýtt stýri og leðurklædd sportsæti.
Eins skemmtilegt og það gæti hafa verið að stinga öflugri 2,0 lítra „EA888“ fjögurra strokka túrbó línuvél undir vélarhlífina, heldur Slavia litlu 1,5 lítra vélinni sem til er í venjulegu Scala. Hún er 148 hestöfl og sendir aflið til framhjólanna með „DSG“ sjálfskiptingu með tvöfaldri kúplingu.
Aðrar umfjallanir
Bíllinn á sér vel yfir hundrað ára sögu hér á landi og í upphafi bílaaldar var ekki mikið til af orðum um þá hluti sem...
Skuggamyndin af framenda á bíl, sem fylgir með þessari frétt, er fyrsta innsýn okkar í fyrsta sérsniðna rafknúna farartæki Lexus - bíl sem ætti að...
Fyrsta rafknúna bifreið Toyota, byggð á e-TNGA grunni fyrirtækisins, verður sportjeppi sem er svipaður að stærð og RAV4, og er í nýrri...
Brimborg mun í vor opna nýjan Polestar Destination sýningarsal fyrir Polestar rafbíla og á þaki hans verður reist stærsta sólarorkuver á Íslandi og það fyrsta í Reykjavík...