Porsche fyrir óbyggðirnar
Þetta hefur greinilega lengi verið í pípunum en nú hefur Porsche loksins kynnt 911 Dakar.
Við vorum með grein á dögunum hér á vefnum okkar, sem sagði frá því þegar sérútbúinn Porsche 911 hefði verið að takast á við Ojos del Salado í Chile, hæsta eldfjall í heimi. En þá leit þetta út fyrir að um væri að ræða einn einstakan bíl sem verksmiðjurnar hefðu útbúið í þetta verkefni.
En Porsche tók sig til og frumsýndi svona bíl á dögunum á bílasýningunni í Los Angeles.
![image](https://img.bilaskra.is/images/1668807607_5539919074821312902_22433512331256881.jpg)
Frá frumsýningunni á Porsche 911 Dakar í Los Angeles
Tíðindamenn norska bílavefsins BilNorge voru á staðnum og gefum þeim orðið:
![image](https://img.bilaskra.is/images/1668807609_3926462153231114285_22433513798436856.jpg)
Hér hefur verið tekið á því í eyðimörkinni
Tilnefningin vísar eðlilega til þátttöku Porsche í hinu fræga Dakar-eyðimerkurkapphlaupi og heildarsigri þeirra þar árið 1984.
![image](https://img.bilaskra.is/images/1668807610_2725724288531198820_22433515253351349.jpg)
Til að verða alvöru torfærukappi er bíllinn hækkaður um 50 mm miðað við Carrera með sportundirvagni. Auk þess er hann með lyftikerfi sem getur hækkað bílinn að framan og aftan um 30 mm til viðbótar á allt að 170 km hraða. Hraðara þarf nú varla að keyra í torfærum.
Stöðluðu dekkin eru sérstaklega þróuð Pirelli Scorpion All Terrain Plus í stærðinni 245/45 ZR19 að framan og 295/40 ZR20 að aftan. Gróft mynstur er níu millimetra djúpt og hliðarveggir eru styrktir.
Vélin nær að koma 911 Dakar í 100 km/klst á 3,4 sekúndum en hámarkshraðinn er takmarkaður við 240 km/klst vegna dekkjanna.
8 gíra PDK gírkassi og fjórhjóladrif eru að sjálfsögðu staðalbúnaður. Fjórhjólastýri, vélarfestingar úr 911 GT3 og PDCC stöðugleikakerfi eru einnig staðalbúnaður.
![image](https://img.bilaskra.is/images/1668807612_3945639268683271111_22433516765603298.jpg)
Vinnustaður ökumannsins í 911 Daker er greinlega ágætur
Tvö ný aksturskerfi hafa verið þróuð fyrir hámarks ánægju utan vega. Rallye-stilling hentar vel á lausu undirlagi og er með fjórhjóladrif með mestu átaki frá afturhjólunum.
![image](https://img.bilaskra.is/images/1668807613_2101439992470329177_22433518290341077.jpg)
Það hefur greinilegar verið gefið í stundum
Í torfæruham er bíllinn sjálfkrafa hækkaður upp í hámarkshæð frá jörðu þannig að hann nái sem bestum árangri í torfæru.
![image](https://img.bilaskra.is/images/1668807615_3619682565106254533_22433519845742922.jpg)
Öflug toppgrind með innbyggðum ljósabúnaði er fáanleg
Sem aukabúnað er hægt að afhenda 911 Dakar með toppgrind eða tjaldi á þaki og þeim sem kaupa bílinn er einnig heimilt að kaupa sérstakt Porsche Chronograph-úr.
(grein á vef BilNorge)
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1641278406_8527922101406271023_1846443270150618.jpg)
Heildarvegalengdin sem hver og einn ökumaður leggur (vonandi) að baki í dag er í kílómetrum talin 636 og þar af er sérleiðin 255 kílómetrar. Þetta er vonandi ágætur undirbúningur fyrir morgundaginn en hann verður sko strembinn. Eknir verða alls 707 kílómetrar en sérleiðin er 465 kílómetra löng. Sú lengsta í öllu rallinu.
![](https://img.bilaskra.is/images/1612444109_4299565454164427130_5531924314000.jpg)
Það er talið líklegt að Jagúar muni nota grunn frá BMW til að renna stoðum undir tvo nýja litla jeppa, að sögn breska bílablaðsins Autocar.
![](https://img.bilaskra.is/images/1672605651_3052399387711037729_26231556266974200.jpg)
Toyota var að sýna frumgerð rafbíls með „tilbúinni“ handskiptingu á gírum...
![](https://img.bilaskra.is/images/1646163605_5734655553368320880_2555378331612954.jpg)
Kia EV6 hefur verið útnefndur bíll ársins 2022 með 279 stig og 12 bestu atkvæði á athöfn sem fór fram í Genf í gær, mánudaginn 28. febrúar...