Skoda Slavia: Scala Spider sportbíll hannaður af nemendum í skóla Skoda
- Eitt einstakt opið afbrigði af fjölskylduhlaðbak verður afhjúpað síðar í þessum mánuði.
Nemendur frá „Skoda Vocational Academy“ eða hönnunarskóla fyrirtækisins eru að þróa opna „spider“-útgáfu af Scala, sem hefur verið nefnd Slavia til viðurkenningar á uppruna tékkneska vörumerkisins.
![image](https://img.bilaskra.is/images/1612440659_8924431803059083650_2081998275000.jpg)
Stofnendur Skoda, þeir Václav Laurin og Václav Klement, hófu fyrst störf saman fyrir 125 árum, í reiðhjólaviðgerðum og seldu síðan reiðhjól undir Slavia nafni.
![image](https://img.bilaskra.is/images/1612440661_8698905900799419001_2083200633000.jpg)
Þessi opna útgáfa fjölskyldubílsins verður opinberuð síðar í þessum mánuði og verður sjöundi hugmyndabíllinn sem framleiddur er af námsmönnum tékkneska fyrirtækisins. Fyrri bílar úr smiðju þeirra hafa verið pallbíll byggður á Kodiaq byggingu og blæjuútgáfa Karoq.
![image](https://img.bilaskra.is/images/1612440662_5110078130524334136_2084386129000.jpg)
Scala Spider er þróaður af teymi 20 nemenda sem nú eru við þjálfun í höfuðstöðvum Skoda í Mlada Boleslav, með leiðsögn frá Oliver Stefani, yfirmanni hönnunar. Verkfræðingar Skoda eru að veita liðinu ráð meðan bíllinn er smíðaður.
![image](https://img.bilaskra.is/images/1612440663_2439874151177214090_2085712157000.jpg)
Scala var hleypt af stokkunum síðla árs 2018 og er þetta í fyrsta skipti sem þessi bíll er notaður sem grunnur að verkefni námsmannabíla. Nemendunum er gefin hefðbundin útgáfa af bílnum og hönnunarfrelsi til að laga hann eins og þeir vilja. Eftir að hafa tekið ákvörðun um opna yfirbyggingu hefur hönnunarvinnan lagt áherslu á að gera línur bílsins meira áberandi til að bæta við „sjónræna virkni“.
![image](https://img.bilaskra.is/images/1612440665_5358279759885012703_2087026090000.jpg)
Stefnt er að því að þessi fullunni Scala Spider muni koma í ljós í júní og það er enginn framleiðsluáætlun í gangi fyrir bílinn.
![image](https://img.bilaskra.is/images/1612440666_8552944454691090583_2088231565000.jpg)
Fyrsti hugmyndabíll námsmannana var Citijet, tveggja sæta Citigo. Honum var fylgt eftir með Funstar (Fabia-byggður pallbíll), Atero (Rapid-Spaceback coupé), Rafmagnsbíllinn Element, byggður á Citigo, Sunroq (Karoq blæjubíll) og Mountiaq í fyrra.
![](https://uploads-ssl.webflow.com/5d7552387a6dfaca8c256678/5d7643b98b433514d3f6cdf7_bilablogg_logo.png)
Aðrar umfjallanir
![](https://img.bilaskra.is/images/1669909206_5111021193683478288_23535111560735520.jpg)
150 þúsundasti Mustang Mach-E rennur af framleiðslulínunni þegar Ford leitast við að framleiða 2 milljónir rafbíla árlega fyrir árið 2026
![](https://img.bilaskra.is/images/1612443594_3819215623543678334_5016084437000.jpg)
Mazda Motor Corp. Hefur lagt metnað sinn í þróun brunahreyfla í bíla fram að þessu, en samkvæmt frétt á Automotive News Europe munu þeir fljótlega afhjúpa rafmagnsbíl
![](https://img.bilaskra.is/images/1653648007_3175924751142536605_7273911861080595.jpg)
Kvartmilljón manna hefur brugðist við færslu Kimi Raikkonen á Instagram frá því í gær en þar segir hann í eins fáum orðum og hægt er að hann sé á leið til keppni á nýjan leik: „We are racing again.“
![](https://img.bilaskra.is/images/1642545607_1942692116575726786_3113644522863341.jpg)
Ég fékk þessa skemmtilegu spurningu frá einum ágætum frænda mínum: „Af hverju geta rafmagnsbílar ekki gefið hvorum öðrum rafmagn frekar en...