Minni rafdrifinn pallbíll frá Ram á leiðinni
Ram sýnir söluaðilum annan rafmagns pallbílinn sinn sem líkist 1500 Revolution EV hugmyndabílnum
Eftir að hafa opinberlega afhjúpað fyrsta rafknúna pallbílinn sinn fyrr á þessu ári, Ram 1500 REV, er Ram Trucks að vinna að öðrum millistærðar rafdrifnum pallbíl sínum.
Forstjóri Stellantis, Carlos Tavares, sagði að rafbíllinn myndi „gera betur en allir keppinautar“ hvað varðar drátt, drægni, hleðslu og hleðslutíma.
Eftir jákvæð viðbrögð við hugmyndabílnum sýndi Ram fyrsta rafmagns pallbílinn sinn sem á að keppa á móti Ford F-150 Lightning og Rivian R1T, 2025 pallbílinn Ram 1500 REV, í framleiðsluformi á Super Bowl í febrúar.
Ram 1500 rafmagns pallbíll hugmynd (Mynd: Stellantis)
Samkvæmt frétt frá Automotive News segir einn söluaðili að hönnunin sé svipuð 1500 Revolution hugmyndabílnum sem sýnd var í janúar, ólíkt framleiðsluútgáfu fyrsta pallbílsins.
Þetta er framtíðin!
Einn söluaðilanna sem var við kynninguna, Randy Dye hafði eitthvað aðeins hefðbundnara í huga fyrir hugsanlegan Ram millistærðar pallbíl, en snemma hugmynd sem hann sá í vikunni fór fram úr væntingum hans.
Stellantis sýndi einnig Dodge Durango hugmynd
Stellantis afhjúpaði líka Dodge Durango hugmynd sem Dye sagði að væri verulega frábrugðin núverandi kynslóð, sem hefur verið á ferðinni síðan 2011 árgerðin kom á markað.
(fréttir á vef electrec og Automotive News í Bandaríkjunum)
Aðrar umfjallanir
Jaguar Land Rover hefur gefið til kynna að Jaguar muni ýta undir frekari markaðssetningu á hærra sviði markaðarins eftir að fyrirtækið tilkynnti „Reimagine“...
Nú myndu einhverjir halda að Hamilton ætlaði sér að gerast ökukennari en svo er ekki. Hann hefur sennilega ekki tíma til þess, auk þess sem það er eflaust mun hættulegara starf en að vera ökumaður í Formúlu 1. En hvað ætlar hann að kenna?
Ferrari frumsýndi sína fyrstu nýju gerð síðan heimsfaraldur kórónavírus lokaði tímabundið miklu af starfsemi fyrirtækisins...
Hekla verður 90 ára á næsta ári og 70 ára afmæli umboðs Volkswagen á Íslandi eftir nokkra daga