BMW byggir nýja verksmiðju í Mexíkó
BMW framleiðir „Neue Klasse“ rafbíla sem nota rafhlöður og rafhlöðupakka í Mexíkó
Samstæðan fjárfestir 800 milljónir evra í verksmiðju sinni í San Luis Potosí, Mexíkó.
BMW Group tilkynnti um 800 milljónir evra fjárfestingu tengda smíði á rafbílum sem aðeins nota rafhlöður (BEV) í verksmiðju sinni í San Luis Potosí í Mexíkó.
Hér eru þjarkar að setja saman BMW bíl í fjölmiðlaferð í verksmiðju þýska bílaframleiðandans BMW í San Luis Potosi, Mexíkó, 3. febrúar 2023. Mynd REUTERS/Toya Sarno Jordan.
Milan Nedeljković, stjórnarmaður BMW AG sem ber ábyrgð á framleiðslu, í San Luis Potos sagði:
- „Við erum kerfisbundið að miða framleiðslunet okkar í átt að rafbílum. Í Mexíkó erum við að fjárfesta 800 milljónir evra í verksmiðju okkar og skapa um 1.000 ný störf,“
- „Fyrstu bílarnir í „NEUE KLASSE“ munu koma úr framleiðslulínunni í verksmiðjunni okkar í Debrecen, Ungverjalandi, frá og með 2025, og síðan frá aðalverksmiðjunni í München. Við munum ná auknu magni með því að samþætta „NEUE KLASSE“ við Plant San Luis Potosí frá 2027 og á komandi árum“.
Milan Nedeljkovic, framleiðslustjóri BMW, og Harald Gottsche, stjórnandi verksmiðju BMW Group í San Luis Potosi, þegar tilkynnt var um milljón dollara stækkun í verksmiðju þýska bílaframleiðandans BMW í San Luis Potosi, Mexíkó 3. febrúar 2023 Mynd: REUTERS/Toya Sarno Jordan
Það verður rúmt um nýju verksmiðju BMW í Mexíkó og hægt að stækka verksmiðjuna ef þörfin kallar á slíkt
Svo virðist sem Mexíkó sé að laða að sér mikið af rafbílafjárfestingum nú á dögum, þar á meðal Ford (stækkun á Mustang Mach-E framleiðslu), General Motors og hugsanlega líka Tesla. Gert er ráð fyrir að Nidec framleiði rafdrifnnar einingar í landinu, en sumir rafhlöðuframleiðendur íhuga rafhlöðuverksmiðjufjárfestingu (eins og CATL).
(fréttir á vef INSIDEEVs og REUTERS)
Aðrar umfjallanir
Væri ekki gaman ef sá gamli kæmist í stuð? Ef bílar fortíðarinnar myndu verða rafmagnaðir kostir í framtíðinni? Þetta er ruglingslegt en þannig eru hugmyndir oft fyrst þegar þær banka upp á.
Fyrir fáeinum árum hitti ég hér á landi atvinnubílstjóra frá Rúmeníu. Samtalið var fremur stirðbusalegt í upphafi og velti ég fyrir mér hvað við gætum rætt um
Rafeindaruglari, slöngvisæti, huliðshjúpur, skotflaugar, bílnúmeravíxlari, þokuljós að aftan, vélbyssur, eldvörpur á bak við aðalljósin… Hvaða græju úr Bond-bílunum myndi maður nú velja sér í bílinn ef slíkt byðist?
Þegar sölutölur nýrra bíla eru skoðaðar núna að loknum fyrsta mánuði ársins má sjá að sala á nýjum bílum fer hægt af stað, miðað við sama tímabil í fyrra, árið 2020...