PSA lítur á rafbíla sem vaxandi markað
PSA er að kynna nýja rafbíla í sednibíla- og farþegaútgáfum. Á myndinni er Opel Zafira rafhlaðinn sendibíll.
PARIS - PSA Group segir að 5 prósent af sölu á litlum sendibílum á næsta ári verði gerðir með rafhlöðum, tala sem hækki í 15 prósent árið 2025.
„Við verðum að veita viðskiptavinum svör sem munu gera þeim kleift að halda áfram að vinna sín verk,“ sagði Peugeot á blaðamannafundi á þriðjudag til að svara spurningum um nýjar rafknúnar smábifreiðar hópsins, Citroen e-Jumpy, Peugeot e-Expert og Opel / Vauxhall Vivaro-e.
Bifreiðarnar eru einnig seldar í farþegaútgáfum sem Citroen e-SpaceTourer, Peugeot e-Traveler og Opel Zafira e-Life og Vauxhall Vivaro e-Life.
Rafbílarnir eru aðeins lítill hluti í dag
Rafmagnsútgáfur eru aðeins örlítið brot af evrópskum sendibílamarkaði. Nissan NV200 var söluhæsti á fyrsta ársfjórðungi þessa árs með 2.097 sölur og síðan Renault Kangoo með 1.874 eintök, samkvæmt tölum frá JATO Dynamics.
Undanfarin ár hefur PSA Group selt um 150.000 einingar samtals af litlu sendibílunum Citroen, Peugeot og Opel / Vauxhall, langflestir sem atvinnubílar.
Tvær stærðir á rafhlöðupökkum
Nýju PSA sendibifreiðarnar munu koma í sendibíla- og farþegaútgáfum, með tveimur mismunandi rafhlöðupökkum, 50 kílóvattstunda pakka með 230 km aksturssvið og 75 kílóvattstunda pakka með 330 km aksturssvið samkvæmt WLTP prófunarlotunni. Xavier Peugeot sagði að rannsóknir PSA komust að því að 83 prósent þeirra sem kaupa sendibíla aka minna en 200 km á dag og 44 prósent keyra aldrei meira en 300 km.
Bifreiðarnar eru með nokkur mismunandi hjólhaf, lengdum og innréttingum. PSA er að vinna með breytingaðilum á sérstökum gerðum, svo sem kælibílum.
Rafmagnsútgáfurnar hafa sömu meðaltalsburðargetu og dísilgerðirnar, 1.275 kg, og geta dregið allt að 1.000 kg.
Hægt að byrja að panta sendibíla í júlí
Pantanir fyrir bílana munu opna í júlí fyrir sendibílaútgáfur og í september fyrir farþegaútgáfur. PSA hefur ekki tilkynnt verð, en Caroline Damey, vöruframkvæmdastjóri PSA sendibílsins, sagði að þeir yrðu eins nálægt þeim sem eru í dísilútgáfunum og mögulegt er.
Damey sagði að heildarkostnaður við eignarhald væri mikilvægastur fyrir kaupendur flotans og að rafbílar væru með 30 prósent lægri viðhaldskostnað auk lægri orkureiknings.
PSA segist ætla að hafa rafhlöður í rafmagnsútgáfunum af þremur stærðum í sendibílum á markaði í lok árs 2021. Auk lítilla sendibifreiða verða rafknúnir miðlungsstórir sendibílar (Peugeot Boxer og Citroen Jumper) fáanlegir í byrjun árs á næsta ári, með breytingabúnaði frá þriðja aðila.
Aðrir sendibílar kynntir seinna á árinu 2021
Sendibílar byggðir á fólksbílum (Citroen Berlingo, Peugeot Partner og Opel Combo) verða kynntar seinna á árinu 2021, þó PSA haldi áfram að selja rafdrifnar útgáfur af fyrri kynslóð Partner og Berlingo, þó með tiltölulega stuttu aksturssviði.
(Automotive News Europe)
Aðrar umfjallanir
Dodge ráðgerir að endurhanna „muscle” bílinn. Fyrirtækið lét nýlega flakka að útblásturs reglugerðir væru að “drepa” V8 vélina. Það er deginum ljósara að það er rétt...
Framhjóladrifni smábíllinn bíllinn Daihatsu Charade var framleiddur frá 1977 til 2000. Fyrsta kynslóð Charade G10 kom fram árið 1977. Hann var framleiddur bæði sem 3ja eða 5 hurða hlaðbakur...
Aftur er ökubarn í fréttum. Í dag er það 7 ára gamall drengur sem fór á jepplingi fjölskyldunnar út í umferðina því hann ætlaði að kaupa sér ískrap. Það þurfti umferðareyju og marga bíla til að hægja ferðina á bílstjóranum unga.
Opel er að opna næsta tímamótakafla með nýja Astra Electric: í dag afhjúpaði bílaframleiðandinn í Rüsselsheim fyrstu myndirnar af nýja Opel Astra Electric...