Jaguar Land Rover undirbýr 2021 árgerð Range Rover þrátt fyrir lokun vegna krórónaveirunnar

• Fimmta kynslóð jeppans færist nær framleiðslu samhliða því að kórónaveirufaraldurinn truflar kynningu á Defender og hægir á sölu
• Discovery Sport með tengitvinnbúnaði (hybrid) á að koma í sölu fljótlega

Hinn nýja fimmta kynslóð Range Rover er á fyrstu stigum prófana áður en bíllinn lendir í sýningarsölum umboða í lok árs 2021, en hann hefur það hlutverk að leiða Jaguar Land Rover út úr lægðinni sem kórónaveirufaraldurinn veldur og sem búist er við að muni hafa áhrif á alheims bílaiðnaðinn stóran hluta af þessu ári og því næsta.

Myndir af prófunarbíl í felulitum af frumgerð sem sýna stóra jeppann þar sem hann gengst undir vetrarprófanir hafa birst á vefnum og núna eru tilraunir að fara í gang við heitari aðstæður veður sem eiga að fara fram á næstu vikum. Þær sýna einnig vel hvernig þessi nýi Range Rover, sem byggir á JLR „Modular Longitudinal Architecture (MLA)“, mun breytast. Framendinn og afturhlutinn virðast vera breiðari, bíllinn virðist hafa meira áberandi hjólboga og frumgerðin hefur fremur minna af útliti núverandi gerðar.

Kemur í stað fjórðu kynslóðarinnar frá 2012

Nýja flaggskip fyrirtækisins mun koma í stað núverandi Range Rover, sem kom fram árið 2012, og ætti að veita JLR mikla þörf fyrir aukna framlegð eins og gert er ráð fyrir að hagkerfi heimsins muni byrja að koma sér af stað eftir afleiðingar núverandi lokunar.

Nýja gerðin verður fyrsti Land Rover smíðaður á MLA grunni sem búist er við að muni umbreyta samkeppnishæfni JLR. Búist er við að nýi grunnurinn muni skila færri ábyrgðar- og áreiðanleikavandamálum og leyfa SOTA-uppfærslur á hugbúnaði. MLA getur einnig komið til móts við hefðbundna brunahreyfla, innbyggða blendinga (hybrid) og gerðir sem aðeins nota rafgeyma.

Nýr sveigjanlegur grunnur

Ólíkt eldri Range Rover arkitektúr í dag, hefur nýr MLA grunnur verið hannaður frá upphafi sem „flex-fuel“, eða „fjölorkugrunnur“ íhluta. Bílavefurinn Autocar segir að Mk5 Range Rover mun nýta sér BMW-bensín V8-vél  - sem ætluð er að mörkuðum eins og Miðausturlöndum og Kaliforníu - en litlar aðrar upplýsingar hafa lekið um aðra valkosti brunahreyfilsins.

Búist er við að innbyggður blendingur af Mk5 Range Rover hafi einn rafmótor á afturás og annan innbyggðan í gírkasann. Því hefur verið haldið fram að rafdrifinn afturás muni bæta torfærum bílsins enn frekar vegna hæfileikans til að fínstilla togið.

Rafdrifin gerð í skoðun

Einnig er verið að íhuga hreina rafmagnsútgáfu af Range Rover. Gerðin gæti verið með allt að 100 kWst rafhlöðu og rafmótorar sem gefa afl beint til fram- og afturhjóla. Hins vegar er búist við að rafmagnsgerð Range Rover verði takmörkuð í framleiðslu sem miðað verður að borgarnotendum á mörkuðum í Asíu. Komandi MLA-grunnur fyrir „Road Rover crossover“ er í dag talinn verða líklegasti rafdrifni bíllinn Frá Land Rover.

Discovery Sport með tengitvinnbúnaði á leiðinni

Önnur afgerandi ný gerð, Discovery Sport með tengitvinnbúnaði, mun koma fram og fara í sölu á næstu vikum, en það verður erfitt að byggja upp sölumyndun til skamms tíma.

Það er ljóst að Defender hefði veitt fyrirtækinu gríðarlegan tekjuauka þar sem MLA-grunnurinn kemur inn og endurbótum á verksmiðjum yrði lokið., en því hefur nú verið ýtt á seinni hluta þessa árs að minnsta kosti. Defender gæti þó verið blessun þegar verið er að takast á við lægð á mörkuðum þegar efnahagur heimsins batnar og opnar aftur.