2021 Kia Sorento verður frumsýndur 19. mars
-frumsýningin verður á Facebook
2021 Kia Sorento. Ljósmyndir Kia
Kia ætlaði að afhjúpa Kia Sorento 2021 fyrr í þessum mánuði á bílasýningunni í Genf, en vegna útbreiðslu á kórónavírus var sýningunni aflýst. Nú hefur Kia tilkynnt að þeir muni afhjúpa Sorento 2021 á Facebook, 19. mars.
Frumsýndur á fimmtudaginn 19. mars
Kia Sorento árgerð 2021 mun verð frumsýndur klukkan 13:30 á okkar tíma hér á Íslandi (12:30 CET) í beinni útsendingu á Facebook. Þar sem enginn fjölmiðill verður til staðar til að spyrja spurninga ætlar Kia að láta áhorfendur á Facebook leggja fram spurningar til Kia teymisins sem munu svara í rauntíma eftir kynninguna. Notendur Facebook sem leggja fram spurningar eiga möguleika á að vinna eina af 60 sex mánaða prent og stafræna áskrift að TIME tímaritinu. Sigurvegarar verða valdir út frá gæðum spurninga sinna.
Fyrir þá sem vilja fylgjast með frumsýningunni er bara að leita eftir Kia Motors Worldwide á Facebook
Sem betur fer fyrir okkur sendi Kia út nokkrar myndir af nýja bílnum í aðdraganda bílasýningarinnar í Genf og nokkrar upplýsingar um fjórðu kynslóð Sorento. Kia segir að „skarpari línur, hátæknileg atriði og lengd hlutföll í hönnun veiti bílnum og farþegum öruggari og þroskaðri nærveru“. Kia heldur því einnig fram að Sorento 2021 „sé einn fjölhæfasti og rúmbesti þriggja sætaraða sportjeppinn á vegunum“. Þetta eru stór orð en við sjáum þetta betur eftir fimmtudaginn 19. Mars.
Aðrar umfjallanir
Í gærkvöldi deildum við myndbandi af bíl sem tókst á loft þegar skýstrókur fór yfir borgina Fort Worth íTexas. Ekki nóg með að bíllinn hafi tekist á loft heldur var hann á ferð og kornungur ökumaðurinn fór óvænt á flug. Ökumaðurinn hefur nú fengið góðar fréttir.
BERLÍN – framleiðsla Volkswagen í Kína, efld með nýrri verksmiðju í Anhui héraði, mun geta smíðað 1 milljón rafbíla á ári í Kína frá og með 2023, sagði...
Miklar umræður hafa skapast á samfélagsmiðlum um fyrirhugaðar lækkanir á umferðarhraða í Reykjavík, á þeim götum sem borgin hefur yfir að segja...
Hinn 86 ára gamli Jose Mujica var forseti Úrúgvæ frá 2010-2015. Munið þið eftir honum? Hann var af mörgum kallaður „nægjusamasti þjóðarleiðtogi í heimi“ en af öðrum „fátækasti forsetinn“. Forsetabíllinn var VW bjalla frá 1987. Forsetinn „þurfti“ ekki annan bíl.