Njósnamyndir af 2021 ágerðinni af Range Rover
Það er greinilega kominn tími á yfirhalningu eins og þessar myndir af flaggskipi breska ofurjeppans sýna.
Fjandinn hafi það, það getur nú bara verið þó nokkuð erfitt að sjá nokkurn mun á Land Rover línunni í sýningarsalnum.
En ef við grandskoðum myndirnar komum við væntanlega auga á breytingar. Jafnvel þótt bíllinn sé nánast alveg hulinn felubúningi sjáum við að það er lengra á milli hjólanna en á síðustu frumgerð af bílnum. En Land Rover hefur einmitt framleitt Range Rover jeppann í tveimur lengdum en ekki Range Rover Sport útgáfuna.
Af myndunum að dæma má auðveldlega sjá breytingar á gluggum og afturhurðum en framleiðendurnir hafa líka búið þessa prufugerð þannig felgum að auðvelt er að sjá hve miklu munar á lengd milli hjóla.
En því miður er lítið hægt að átta sig á öðru en útlitinu og þó ekki mikið því bíllinn er nánast allur hulinn felubúningi. Flestar breytingarnar sem búist er við að verði kynntar á þessum nýja Range Rover sjást ekki þó við pírum augun því þær eru allar undir stálinu.
Já, það eru alveg líkur á því að næsta kynslóð Range Rover verði í blendingsútgáfu (hybrid) eða jafnvel einnig í rafmagnsútgáfu.
Einnig er reiknað með að ný vél líti dagsins ljós. Við erum þá líklega að tala um V8 vél framleidd af BMW bílaframleiðandanum. Land Rover samsteypan hefur ekki farið í launkofa með að þeir leita eftir samstarfi við aðra bílaframleiðendur bæði varðandi hönnun og vélaframleiðslu og þar hefur nafn bílaframleiðandans BMW oftar en einu sinni komið við sögu.
Myndir: CarPix
Aðrar umfjallanir
Jökull Jakobsson, þá blaðamaður á Tímanum, ræddi við eigendur elstu bíla landsins árið 1960. Ótrúlegustu hlutir komu þar við sögu!
Toyota mun smíða tengitvinnbíla í Evrópu og gæti einnig framleitt bíla sem aðeins nota rafmagn frá rafhlöðum bíla á svæðinu þar sem...
Flutningaskipið sem kviknaði í í síðustu viku með um 4.000 bíla frá Volkswagen Group gæti kostað bílaframleiðandann að minnsta kosti 155 milljónir Bandaríkjadollara...
