GM tapar á hverri seldri Corvette undir $80.000
Svo virðist sem upphafsverð Chevrolet Corvette ágerð 2020 undir 60.000 dollurum, um 7,3 milljónum íslenskra, hafi verið of gott til að vera satt. Ekki fyrir kaupendur hinnar nýju Corvettu, heldur fyrir GM, og svo virðist sem framleiðandinn sé alveg sáttur við það.
Heimildarmaður innan GM opinberaði við Motor Trend að GM mun tapa peningum á öllum nýjum Chevrolet Corvette sem þeir selja undir $80.000, um 9,7 millj.ískr.
Heimildarmaðurinn staðfesti einnig að verð á hinnu nýju Chevrolet Corvette myndi hækka árið 2021, orðrómur um frekari hækkanir á næstu árum fylgdi einnig með. GM hefur ákveðið að fyrst um sinn muni þeir taka á sig tap á framleiðslu Chevrolet Corvette bílanna í ódýrari útgáfum bílsins. Þeir binda samt vonir sínar við að kaupendur verði duglegir í aukabúnaðarlistanum og þannig lyfta verði bílsins yfir $80.000, en þar nær GM að koma út í plús við framleiðsluna á þessum flókna bíl.
Við hjá Bílablogg vonum hinsvegar að tap GM verði ekki of mikið, því annars er hætta á að við fáum ekki að sjá næstu útgáfur Z06 og ZR1 af Corvette.
Unnið úr frétt frá Motor Trend.
Aðrar umfjallanir
Hann virkar alveg hrikalega flottur í þessari undarlegu auglýsingu; Mercedes-AMG SL, bíll sem fyrst kom á markað á sjötta áratug síðustu aldar og er nú „endurfæddur“ segir í auglýsingunni.
Ég hef alltaf verið aðdáandi Mazda 929. Kúpubakurinn var sérlega vel heppnaður og einn flottasti japanski sportarinn á þeim tíma sem hann var kynntur...
Eitt af því sem bílaspæjarar leggja ríka áherslu á er að gefa ekki upp nákvæmlega hvar þeir fylgjast með prófunarbílunum. Nú er verið að prófa 2022 BMW M3 Touring í brakandi vetrarkulda í Árjepluovve í Lapplandi. Spæjarinn klikkaði á einu skilti en það er nú í lagi!
Öll þekkjum við kúlulegur, þær eru allt í kring um okkur, þær eru í reiðhjólunum okkar, bílum og fullt af tækjum sem eru með snúningsöxla...