Toyota efast um að rafbílar séu eini rétti kosturinn
Stjórnarformaður Toyota nefnir „þögulan meirihluta“ sem rök gegn framtíð með eingöngu rafbíla
Umskiptin yfir í rafbílaöld virðast vera komin á beina braut sé horft á velgengni Tesla, en hinn rótgróni bílaframleiðandi Toyota er enn ekki fullkomlega sannfærður um að rafbílar séu eina leiðin fram á við.
Í nýlegum ummælum sagði Akio Toyoda, stjórnarformaður Toyota, að hann væri hluti af „þöglum meirihluta“ bílaiðnaðarins sem efast um einhliða framgang á rafknúnum ökutækjum.
Fjölmargir bílaframleiðendur fjárfesta um þessar mundir mikið í rafknúnum bílum, sem hefur verið stutt af mikilli eftirspurn eftir þeim takmarkaða fjölda rafbíla sem nú eru fáanlegir á markaðnum.
Í heimsókn til Tælands, virtist stjórnarformaður Toyota harma áherslu iðnaðarins á framtíð sem byggist eingöngu á rafbílum.
Toyoda benti á að fólk í bílaiðnaðinum væri í raun „þögull meirihluti“ og þeir velta því fyrir sér hvort rafbílar séu í raun eina leiðin fram á við.
Þessi þögli meirihluti veltir því fyrir sér hvort það sé í raun í lagi að hafa rafbíla sem einn valkost.
En þeir halda að þetta sé þróunin, svo þeir geta ekki talað hátt,“ sagði Toyoda.
Toyota bZ4X
Seint á árinu 2021 benti fyrirtækið á að það ætlaði að eyða allt að 35 milljörðum dollara í rafbíla-línuna sína. Viðleitnin lenti hinsvegar á einhvers konar hraðahindrun, ef svo má að orði komast, þar sem alrafmagnaður crossover Toyota, bZ4X, lenti í vandræðum í kjölfar innköllunar á hjólabunaði ökutækisins, þar sem felgur gætu dottið af meðan á notkun bílsins stendur.
(vefur Auto Spies)
Aðrar umfjallanir
Við höfum áður fjallað um það að vinsæli smájeppinn Suzuki Jimny eigi að hverfa af Evrópumarkaði vegan hertra reglna varðandi útblástur.
Fréttastofan Bloomberg birti frétt sem gæti fengið suma til að þurfa að slaka á: Ef þú hefur beðið spennt/spenntur eftir fullri rafútgáfu af Porsche 911 sportbílnum gætirðu...
PARÍS - Dacia, lággjaldavörumerki Renault Group, er að setja á markað nýjar útgáfur af söluhæstu minni bílunum sínum, að þvía ð fram kemur í frétt hjá Automotive News Europe í dag...
Volvo Cars hefur kynnt ýmsar uppfærslur fyrir allar rafknúnar XC40 Recharge og C40 Recharge gerðir sínar...