Sebastian Vettel, fyrrum heimsmeistari í Formúlu 1 keppir ekki í Rússlandi vegna þróunar mála milli Rússkands og Úkraínu. Fleiri hafa tekið sama pól í hæðina. Ástandið hefur áhrif víða innan Formúlunnar og þá ekki síst á Haas-liðið hið bandaríska sem styrkt er af rússneskum risa.
Sebastian Vettel, fyrrum heimsmeistari í Formúlu 1 fer ekkert í felur með afstöðu sína til þróunar mála í Rússlandi og Úkraínu og segist ekki ætla að keppa í Sochi í Rússlandi í ár.
Skjáskot/Twitter/Sebvettelnews
Vettel misbýður mjög að heyra fréttir af saklausum borgurum sem láta lífið af heimskulegum ástæðum og líkir forseta Rússlands, Vladimir Putin, við brjálæðing.
Fleiri keppendur munu taka afstöðu á næstu dögum og til dæmis má nefna Chales Leclerc, sem tekur afstöðu með Úkraínu en segist ætla að ákveða á næstu dögum hvort hann muni mæta til Sochi.
Max Verstappen (eins og uppvakningur greyið á myndinni) er órólegur eins og margir. Skjáskot/Twitter/ESPNF1
Hættið við keppnina
Fjöldi aðdáenda Formúlu 1 hefur skrifað færslur á Twitter og merkt með #CancelTheRussianGP en keppnin í Rússlandi er á keppnisdagatalinu skráð þann 25. september.
Hér eru nokkur dæmi um færslur undir myllumerkinu:
Skjáskot/Twitter/burtpies
Skjáskot/Twitter/Clutch_Mat
Skjáskot/Twitter/_Maria_F1
Sérstök staða Haas-liðsins
Helsta fjárhagslega haldreipi Haas-liðsins bandaríska er rússneska fyrirtækið Uralkali. Dmitry Mazepin er einn stærsti hluthafinn í því fyrirtæki en sonur hans er sem kunnugt er Nikita Mazepin, annar ökumanna Haas.
Pútín og Mazepin á fundi í síðasta mánuði.
Liðið fjarlægði í gær merkingar Uralkali af bíl liðsins sem og öllum farar- og flutningatækjum þess. Formúlubíllinn er nú hvítur í stað rússnesku fánalitanna (hvítur-blár-rauður) og þannig verður hann í prófunum næstu daga.
Skjáskot/Twitter/RobLMyers
Menn fjarlægja Uralkali merkingar.
Nikita Mazepin mun engu að síður aka í prófununum ásamt Mick Schumacher. Halda sumir fjölmiðlar því fram að Mazepin sé gert að fjarlægja rússneska fánann af keppnisgallanum sínum.
Óvissa um sæti Mazepin
Vera Mazepin hjá Haas er mjög háð samningi liðsins við rússneska fyrirtækið Uralkali. Fari svo að viðskiptaþvinganir eða ákvarðanir liðsins verði til þess að sá samningur ógildist er sæti Mazepin í hættu. Hann hefur hvorki sannað sig sem ökumaður og eftirspurnin eftir honum er minni en eftirspurnin eftir fjármagninu sem fylgir honum.
Ýmislegt bendir til þess að breytinga sé að vænta frá Haas-liðinu. Tilkynning þeirra var t.d. með gamla merki liðsins þar sem merki Uralkali kemur ekki fram.
Yfirlýsingin frá því í gær. Skjáskot/Twitter
Auk þess er gamla merkið komið á Twittersíðuna þeirra og seinna í gærkvöld (seinni myndin) var bíllinn ekki lengur á myndinni:
Formúla 1 keppnin í Sochi er enn á dagskrá en búast má við breytingum ef fram heldur sem horfir. Svipaða sögu er að segja af Meistaradeild Evrópu í fótboltanum; breytingar eru sennilega í vændum.
Uppfært þann 25. febrúar klukkan 12:45
Hætt hefur verið við keppnina í Rússlandi:
Eftirfarandi kom frá Nikita Mazepin á svipuðum tíma:
Aðrar umfjallanir
Jon Winding-Sørensen skrifa á vefnum sínum ww.bilnorge.no að það virðist sem herinn í Suður-Kóreu sé í miðju ferli að staðla verkfærin...
Haustið 1984 var víst skrautlegt á Akureyri vegna músafaraldurs. Svo sagði alla vega í Dagblaðinu Vísi í desember það ár. Þar birtist bráðskemmtileg saga af Volvoeiganda nokkrum sem ók eins og „bandítt“ vegna músar í bílnum.
„Ekki er öll vitleysan eins,“ sagði maðurinn og skrúfaði frá. Það þarf að huga að þrýstingnum þegar bíll er þveginn, ekki satt? Hér er ólögulegt bílbrak (afsakið Peugeot) „þvegið“ og þrýstingurinn ku vera 3000 bör. En stóra spurningin er: Hve mikill þrýstingur er hæfilegur þegar bíll er þveginn?
Af nógu er að taka hvað miheppnuð aprílgöbb snertir. Meira að segja bílatengd göbb geta algjörlega misheppnast. Lítum á nokkur vandræðalega vond frá síðustu árum.