Það virðist alltaf vera pláss fyrir voðalega ljóta spoilera (vindskeið heitir þetta á íslensku) í heiminum. Því miður. Oftar en ekki eru þeir svo stórir að dagsbirta breytist í svartasta myrkur þegar þeir nálgast. Hitastig lækkar, fuglar hætta að syngja og allt verður undarlegt.
Vonandi er hann ekki á leið um borð í Akraborgina, Baldur eða Herjólf. Það væri agalegt að festa þetta.... þetta hvað sem það heitir!
Svo birtir til þegar þeir fjarlægjast. En í alvöru: Manni getur alveg sortnað fyrir augum. Við skulum ekki svo mikið sem minnast á tilgangsleysið! Nei, best er að hlæja bara að þessu og jafnvel dást að ímyndunarafli þeirra sem þessi ósköp mótuðu.
Svo ekki sé talað um hvernig fólk fer að því að láta þessa vindveggi tolla á bílunum! Það er nú alveg með ólíkindum.
Hér er bíll manns að nafni Chris Rado. Hann sló mörg met, m.a. á þessum 1200 hestafla bíl, en bíllinn er af gerðinni Scion tC og árgerðin er 2009. Bíllinn er engin undantekning hvað ljótleikann varðar en hann sker sig úr í þessari umfjöllun því spoilerarnir þjóna tilgangi og það er hugsun að baki sem hefur, auðvitað, með loftaflfræði að gera. En fallegt er tækið ekki. Nánar verður fjallað um Chris Rado á næstunni.
Þessi mynd virðist nú bara tekin í einhverri venjulegri bílageymslu. Ekki í leikmunadeildinni fyrir Transformers-mynd. Það er mjög margt hræðilegt við þennan bíl – eða það er fátt ef nokkuð í lagi við útlit þessa bíls. Manni væri nokk sama ef ekki þyrfti endilega að vera um BMW að ræða. Það snertir einfaldlega mjög viðkvæma strengi, taugar og allt það. Aumingja bíllinn og BMW-fólkið.
Æj, hver komst í naglalakkið, UHU-límið og flugmódelakassann? Og álpappírinn?
Ef þetta er alvöru galdrabíll þá ætti hann að geta látið þennan spoiler hverfa. Hviss - bang - búmm!
Straubretti? Eitthvað svoleiðis. Það hlýtur bara að vera.
Jahá! Jétt´ann sjállfur!
TOY-ota. Auðvitað er í lagi að leika sér en stundum er fínt að leika sér bara inni með kubbana sína. Þó maður eigi Toy-otu.
Ef bíll doktors Frankensteins var týndur þá held ég að hann sé fundinn. Í Víetnam? Hann ætti alla vega að vera vel móttækilegur fyrir ýmsum uppákomum með þetta víravirki upp í loft.
Það er gott að vera með almennilegan vindkljúf á svona líka tryllitæki.
Hér vantar ekkert nema kannski teininn til að heilsteikja grís.
Hér er nú ábyggilega eitthvað æðislega sniðugt. Hvað það er veit maður samt ekki.
Það er eins gott að þeir eru með hjálma: Ef þetta Zeppelin-flygildi kemst á loft þá þarf að passa upp á toppstykkið.
Virðist ögn timbraður en pottþétt fínasta kerra með lítið sem ekkert vindgnauð. Eða þannig sko!
Þessi samsvarar sér næstum því vel. Ljótleiki hans er með eindæmum hroðalegur.
Er þetta garðbekkur? Skíði, skíðastökkpallur? Eða bara Lada með erfiðan og óútreiknanlegan þyngdarpunkt?
Hagleiksmaður greinilega sem hefur komið nálægt þessu. Slíkt handbragð sér maður nú ekki á hverjum degi!
Já, einhvern veginn þarf að hemja þetta.
Eftir allar hörmungarnar er gott að enda bara á þessum látlausa með handklæðaslána.
Fleiri greinar um ljóta bíla og ljótleika í umferðinni:
Aðrar umfjallanir
Breski sportbíllinn Lotus Esprit var framleiddur frá 1976-2004. Hann komst almennilega á kortið eftir stórt hlutverk í Bond-myndinni The Spy Who Loved Me árið 1977. Minna hefur farið fyrir þeirri staðreynd að sami bíll er fyrirmyndin að Tesla Cybertruck.
Hann var upphaflega smíðaður fyrir bændur sem m.a. þurftu að komast á sveitamarkaðinn með vörur. „Þeir þurftu helst að geta ekið nokkuð greitt yfir óplægðan akur án þess að eitt einasta egg brotnaði í körfunni.“
Hinn rafknúni Nissan Leaf hefur fengið uppfærslur fyrir árið 2021 með áherslu á aukið öryggi með nýju viðvörunarkerfi fyrir gangandi ökutæki...
Næsti Mercedes E-Class kemur árið 2023 og á tímum raf-endurfæðingar fyrir þýska vörumerkið mun hann eftir sem áður halda í brunavélina, á meðal annarra valkosta.