Það er óhætt að segja að bíleigendur víða um heim séu margir hverjir duglegir að bjarga sér þegar eitthvað vantar í bílinn. Stundum er augljóst hvaða tilgangi hlutirnir þjóna en í öðrum tilvikum er það bara víðsfjarri nokkurri einustu glóru.
Hér er t.d. alveg augljóst hvaða tilgangi þetta þjónar. En hvort önnur leið væri fær en nákvæmlega þessi…tjah? Mér dettur eitt og annað í hug og þar þarf nú engan drullusokk!
Gervigrasfóðraður bílpallur:
Ef tilgangurinn var sá að láta t.d. garðverkfærum líða eins og „heima“ hjá sér þá er það alveg hugmynd en samt út í hött. Öðru máli myndi gegna um það ef á pallinum væri fótboltamaður.
Bíll í gjafapappír:
Það er yfirleitt erfitt að gefa bíla. Mun auðveldara er til dæmis að gefa stefnuljós eða bara blóm. En þessi sem reddaði sér þarna fær alla vega stig fyrir að leggja þetta á sig, hvernig sem hann fór að því.
Var verið að „laga“?
Ef þetta byrjaði sem einhvers konar ryðbætingadjobb… þá er þetta skítredding sem gekk allt allt allt of langt!
Biluð læsing:
Kannski hann ætli á útihátíð í Húnaveri og sé að reyna að vera fyndinn.
Utanborðsmótor:
Hvernig væri að setja 75 hestafla Honda utanborðsmótor í Hondu Civic, 700 hestafla Yanmar í Daihatsu Charade eða bara hvað sem er? Greinilega skemmtilegt! Svo mikið er víst sé mið tekið af býsna kátum karlinum sem er svo lánsamur að vera farþegi í þessu frumlega farartæki.
Krókhaldari:
Þetta er hinn glæsilegasti „krókhaldari“ en best að festa ekkert við krókinn.
Útöndurarpípa:
Öndunarpípa er þetta nú varla en gæti verið púst af undarlegri gerðinni úr ótrúlegu búðinni. En þar sem þessi bíll er við pizzastað gæti þetta verið pizzaofn á hjólum. Svei mér ef þetta er þá ekki pizzaofn af gerðinni Golf Mk1.
Kubburinn mikilvægi:
Hvað þessi spýtukubbur á að gera veit ég ekki en varla stoppar hann ryðmyndunina.
Smart með öfugu vörubílshúss-bíslagi?
Nei, þarna var einhver hugsun að baki sem ekki er auðvelt að greina. Bakhús? Bíll fékk í bakið?
Tríóið:
Þrí„bíli“ - er það ekki skrifað svona?
Xbox-stýri:
Eigandi þessa bíls hefur kannski spilað þá nokkra. Þ.e. tölvuleikina.
Varadekk!
Snotrasti Golf Mk2 en ömurlega vond skítredding.
Bílasmíði:
Bílasmíði felst vanalega ekki í því að taka timbur, nagla og hamar og berja einhverju saman. En þó hefur maður séð ljótari hluti en þetta. Eins og til dæmis „bílinn“ sem er fyrir neðan þennan.
Of mikið af öllu:
Já, hér hefur eitthvað ruglast eða einhver ekki farið eftir uppskriftinni.
Aðrar umfjallanir
Fæst okkar geta nefnt fyrsta bílinn sem fyrir augu okkar bar. Það var hins vegar eflaust öllu minna mál fyrir fólk sem fætt var í kringum aldamótin 1900.
Rolls-Royce náði metári í sölu á nýjum bílum árið 2022 þar sem 6.000 nýir bílar seldust...
Hann hefur af mörgum bílnum þefað; af mörgum sætispúðanum hnusað og lyktað af fleiri speglum en meðalmaður horfir í á ævinni. Japaninn Ryonosuke Ino er kallaður „Nef Nissan“ og það er ekki að ástæðulausu!
„Nú blásum við í sönglúðra og opnum glæsilegustu bílasýningu sem haldin hefur verið frá því Ingólfur og Hjörleifur flúðu hingað undan skattrannsóknardeild Haralds hárfagra,“ sagði í auglýsingu fyrir Alþjóðlegu bílasýninguna Auto ´84 sem haldin var hér á landi og stóð í 10 daga.