Þvílík landkynning sem Ísland fær í nýjasta YouTube myndbandi Top Gear! Þetta brakandi ferska myndband á að fjalla um Bentley Flying Spur Hybrid en þáttarstjórnandi er gjörsamlega að tryllast yfir Íslandi og landslaginu þannig að Bentley-inn fer fyrir ofan garð og neðan.
Falleg er hún, íslenska náttúran! Skjáskot/YouTube/TopGear
Ollie Marriage er sennilega toppnáungi og er líka Top Gear karl. Hann kom hingað til lands ásamt tæplega þrjátíu milljón króna eðalvagni, Bentley, og áskorunin er fólgin í því að fara þvert yfir landið á þeim orkugjöfum sem hér á landi bjóðast af náttúrunnar hendi (með nokkrum milli-handtökum mannanna).
Ollie var virkilega á yfirsnúningi yfir allri þeirri fegurð er fyrir augu bar! Skjáskot/YouTube/TopGear
Satt best að segja er Ollie ekki alveg eins og hann á að sér að vera í meðfylgjandi myndbandi- Ísland ruglar hann með fegurð sinni. En ég kann vel við þennan Íslandselskandi Ollie. Og bíllinn virðist ágætur líka, fyrir utan litinn! Hver gerir svona? Jú, Bentley.
Áskorunin og rammíslensk orka. Skjáskot/YouTube/TopGear
Jæja, njótið myndbandsins lesendur góðir!
Aðrar umfjallanir
Fullrafmagnaða útgáfan af nýjum 7 seríu fólksbíl frá BMW mun skila meira en 600 hestöflum, sagði Oliver Zipse forstjóri, og býður upp á meira afl en tengitvinnbílar, bensín- og dísilútgáfur.
Fyrir fáeinum mánuðum bættist enn einn kjörgripurinn við fagran bílaflota Samgönguminjasafnsins að Ystafelli. Það er Armstrong Siddeley Hurricane, árgerð 1946 en aðeins 2.606 eintök voru framleidd af þessari snotru gerð.
Þá er RallyNuts rallinu í Wales lokið og íslenski rallökumaðurinn stóð sig með prýði, ásamt breskum aðstoðarökumanni. Þeir urðu í fjórða sæti í sínum flokki og því ellefta yfir heildina. Gunnar Karl bætti tímann heilmikið frá síðustu keppni og í þokkabót vann hann enskan meistara!
Þetta þótti manni nú gaman að lesa áður en lagt var af stað í skólann á þriðjudagsmorgnum, já svona upp úr 1990: Úr dagbók lögreglunnar í Reykjavík. Þvílíkar sögur!