Þá er það hafið, Formúluárið 2022 í fréttum. Í dag tilkynnti keppnislið Aston Martin í Formúlu 1 að liðsstjórinn Otmar Szafnauer væri hættur hjá liðinu. Miklar breytingar hafa orðið hjá liðinu síðustu mánuði en brotthvarf liðsstjórans af sjónarsviðinu má segja að hafi verið frekar óvænt.
Otmar Szafnauer og Lawrence Stroll í september 2021. Ljósmynd/Aston Martin
Í örstuttri tilkynningu frá Aston Martin segir ekkert um ástæður þess að Otmar Szafnauer hafi sagt skilið við liðið. Það er því óljóst hvort hann hafi sagt upp eða verið rekinn. Otmar hefur verið viðloðandi Formúluna í meira en tuttugu ár og verið liðsstjóri síðastliðin 12 ár.
Mynd af þeim helstu í liði Aston Martin, síðsumars 2021. Ljósmyndir/Aston Martin
Höfuðlaus her í augnablikinu
Það er því enginn sem gegnir hlutverki liðsstjóra hjá Aston Martin, eins og staðan er, en í fyrrnefndri tiilkynningu segir að stjórn liðsins muni halda um stjórnartaumana þar til nýr liðsstjóri skýtur upp kollinum.
„Núna leggur liðið megináherslu á gera kláran bíl fyrir keppnistímabilið 2022; samkeppnishæfan bíl, eins góðan og mögulegt er.“ Það voru lokaorðin í stuttri tilkynningunni.
Skemmst er frá því að segja að margt hefur gefið til kynna að umgjörð og innviðir keppnisliðsins væru að styrkjast: Í ágúst á þessu ári er áætlað að nýjar og glæsilegar höfuðstöðvar Aston Martin liðsins verði teknar í notkun. Höfuðstöðvarnar eru 37.000 fermetrar, auk 12 hektara lands,við sjálfa Silverstone kappakstursbrautina.
Teikning af nýjum höfuðstöðvum í Silverstone.
Í júní sl. Tilkynnti Otmar að verið væri að ráða fjölda nýs fólks til Aston Martin en fjöldi starfsmanna átti að fara úr 550 upp í 800 manns. Í fréttinni sem vísað er til frá því í júní sagði Otmar að allt gengi glimrandi fínt og að ráðningar gengju vel.
Aðrar umfjallanir
Hér er stórgott myndband sem sýnir „time lapse“ af því þegar Chevy small-block V8 úr Chevrolet Chevelle ´66 er tekin í frumeindir og svo endurbyggð á sómasamlegan hátt. Virkilega flott myndband sem gleður, hressir og bætir.
Þessi hér er nú svo spes að það er kannski bara best að segja ekki meira og leyfa myndbandinu að tala sínu máli.
BMW hefur opinberlega kynnt sjöttu kynslóð M3. Bíllinn á að fara í sölu í mars á næsta ári og mun keppa við bíla á borð við Mercedes AMG C 63...
606 hestafla tryllitæki; nýjasti bíllinn frá Gordon Murray... Já, kannski fleiri komi af fjöllum svona eftir jól? Þetta er það sem kallast „supercar“ eða ofurbíll og hann er með 3,9 l. V-12 vél, 606 hö, 1000 kíló og kostar...