Tesla er með áætlanir að byggja verksmiðju í Þýskalandi
Elon Musk útskýrir af hverju Tesla valdi Þýskaland fyrir nýja verksmiðju sína
Musk sem mætti á verðlaunaafhendingu „Gullna stýrisins“ þar sem hann tilkynnti um nýja verksmiðju Tesla Í Þýskalandi.
FRANKFURT - Bloomberg og Reuters: Elon Musk valdi hátíðlegan atburð í þýska bílaiðnaðinum, afhendinguna á „gullna stýrinu“ í Þýskalandi, nokkurra klukkustunda akstur frá fæðingarstað brunavélarinnar, til að upplýsa um fréttirnar um að Tesla hyggist opna verksmiðju í landinu.
„Allir vita með vissu að þýsk verkfræði er framúrskarandi. Þú veist að þetta er hluti af ástæðunni fyrir því að við erum að staðsetja „Gigafactory Evrópu“ í Þýskalandi,“ sagði Musk við viðburðinn.
Fréttin kom ekki alveg óvænt. Musk hafði sagt að Tesla myndi tilkynna staðsetningu evrópskrar verksmiðju sinnar fyrir árslok og að Þýskaland væri framarlega í flokki. Engu að síður, tilkynning þriðjudagsins styrkti hæfileika forstjórans í því að koma með dramatískar yfirlýsingar.
Verksmiðja Tesla nálægt Berlín mun búa til rafhlöður, drifrásir og ökutæki – og byrja á Tesla Model Y, sem er á myndinni hér að ofan.
Stefnumótandi ákvörðun
„Staðsetningin í Berlín þjónar tveimur einstökum markmiðum,“ sagði Gene Munster, framkvæmdastjóri hjá áhættufjármagnsfyrirtækinu Loup Ventures. „Það er stefnumótandi að lokka hæfileika í þýska bílaiðnaðinum til Tesla og það er yfirlýsing frá Elon Musk að vilji sé að auka bifreiðaframleiðslu því svæði.“
Verksmiðjan verður í Gruenheide, sem er um klukkutíma akstur austur af Berlín, samkvæmt dagblaðinu Tagesspiegel í Berlín.
Byrjaðir að ráða starfsfólk
Tesla hefur byrjað að ráða í þýska verkefnið samkvæmt starfspóstum á vefsíðu sinni sem sýndi að bílsmiðjan var að leita að því að fylla fjögur verksvið frá verkfræði til framkvæmda.
Musk sendi frá sér „tíst“ sem sagði að verksmiðjan muni búa til rafhlöður, drifrásir og farartæki, byrjað yrði með Model Y „crossover“. Fréttir herma að Model 3 yrði bætt við síðar.
Það að Musk, skyldi velja Berlínarsvæðið fyrir verksmiðju „kom á á óvart en er ekki röng,“ sagði Ferdinand Dudenhoeffer, forstöðumaður „Center for Automotive Research“ við háskólann í Duisburg-Essen. Framleiðsla rafgeymisfrumna krefst rýmis, innviða og niðurgreiðslna og borgin hentar vel fyrir „Premium-vörumerki“ eins og Tesla, sagði hann.
Fram að þessu ein verksmiðja í Kaliforníu
Musk hefur fram til þessa reitt sig á eina samsetningarverksmiðju á bílum í Fremont í Kaliforníu til að byggja 63 milljarða dala fyrirtæki. Þessi aðstaða er studd af fyrstu svokölluðu risaverksmiðjum fyrirtækisins nálægt Reno, Nevada, sem býr til rafhlöður.
Tesla er á mörkum þess að hefja sölu á Model 3s sem framleidd er í nýjustu framleiðsluaðstöðu sinni, nálægt Shanghai.
Það að bæta við evrópskri verksmiðju hækkar umsvif fyrir rótgróna bílaframleiðendur sem þegar standa frammi fyrir alvarlegri ógn af framvindu rafmagns í bílum, það mun taka tíma fyrir verksmiðjuna að komast í gang. Musk áætlaði fyrr á þessu ári að evrópsk risaverksmiðja Tesla muni líklega ekki starfa fyrr en árið 2021.
Hár kostnaður
Að bæta við framleiðslu í Þýskalandi og Kína mun líklega hjálpa Musk til að auka sölu Tesla á þessum svæðum, að sögn Kevin Tynan, sérfræðings hjá Bloomberg Intelligence.
„Sjálfbærni eftirspurnar verður meira spurningin,“ sagði hann. „Og ef samkeppni á staðnum verður raunveruleg samkeppni erfiðari“, sagði hann.
Ríkisstjórn Angelu Merkel kanslara og bílaframleiðendur á svæðinu hafa samþykkt að efla hvata fyrir rafhlöður, auka viðleitni Þjóðverja til að hverfa frá brunavélinni til að draga úr útblæstri.
„Tesla er að koma til Brandenburg með stóra fjárfestingu,“ sagði Dietmar Woidke, forsætisráðherra Brandenburg, sem umlykur Berlín, í yfirlýsingu. „Við höfum unnið lengi í þessu með áköfum viðræðum og með góðum rökum“.
(byggt á fréttum frá Bloomberg og Reuters – ásamt Automotive News Europe)
Aðrar umfjallanir
Nei, þetta er ekki klippa úr sýrukenndri Bítlamynd þó manni líði líkt og marandi í kafi um borð í Yellow Submarine eða á hægferð í Magical Mystery Tour og komist ekki út. Nei, lesendur góðir þetta er bíll sem eitthvað sýrubaðað hefur komið nálægt og þarna er hann í stúdíói BBC.
Á þessum degi árið 1964 var söngvari hljómsveitarinnar Rolling Stones, Mick Jagger, að flýta sér svo hrikalega að hann var tekinn fyrir of hraðan akstur. Þá kom í ljós að hann var á ótryggðum bíl og ekki með ökuskírteinið á sér. Skýring verjanda Jaggers fyrir rétti var áhugaverð.
Mercedes-Benz afhjúpaði uppfærða 2021 E-Class fólksbifreið fyrir nokkrum mánuðum og nú höfum við fyrstu sýn á uppfærðu coupe- og blæjugerðirnar...
Brimborg kynnir glænýjan Citroën ë-Berlingo 100% hreinan rafmagnssendibíl sem væntanlegur er til landsins í apríl og mun Brimborg bjóða hann í tveimur...