Minni hávaði í Tesla S og X
Tesla bætir virkri „hávaðaminnkunartækni“ við Model S og X
Stærstu gerðir Tesla búa yfir nýrri tækni sem verður virk með þráðlausri hugbúnaðaruppfærslu, þó aðeins fyrir nýjustu bílana
Tesla hefur aukið fágun farþegarýmis í Model S og Model X í nýjustu hugbúnaðaruppfærslu sinni, sem virkjar hávaðaminnkandi kerfi í bílnum.
Nýjasta þráðlausa uppfærslan, sem kynnir einnig fjölda annars konar þægindabúnaðar, kemur með nýjung sem er „virk hávaðaminnkun“.
Kerfið virkjar tvo hljóðnema sem eru innbyggðir í framsætin. Þeir mæla hávaða í farþegarými og, eins og Tesla orðar það, „mynda andfasa hávaða í gegnum hátalarana til að skapa hljóðlát svæði í kringum farþegana“.
Tesla Model S og Model X.
Kerfið hefur fengið misjafna dóma hingað til frá ökumönnum Tesla, sem gæti endurspeglað hvers vegna Tesla hefur kallað það „hávaðaminnkun“ frekar en „hávaðadeyfingu“. Tækni svipaða þessari er nú þegar að finna í ýmsum bílum frá öðrum framleiðendum.
Bara nýjustu S og X
Svo virðist sem hávaðaminnkunartæknin sé einnig aðeins fáanleg í allra nýjustu gerðum Model S og X.
Uppfærðir bílar eru einnig sagðir hafa getu til að tilkynna um ójafnt slit á dekkjum, en Autopark-aðgerðin er nú fær um að bera kennsl á hornrétt bílastæði.
Jafnframt hefur eiginleika verið bætt við, þótt hann sé í byrjun í „Beta“ prófunarstöðu, sem samstillir óskir ökumanns, þar á meðal sæti, spegil og stýrisstöðu, og gerir honum kleift að nota í annarri Tesla sem er í eigu sama ökumanns.
(frétt á Auto Express)
Aðrar umfjallanir
Ef fólk hefur ekki séð þetta þá er bráðnauðsynlegt að horfa! Nú, þeir sem hafa séð þetta ættu endilega að horfa aftur því hér er einhver mesta steypa sem völ er á.
Árið er 1964 og meira er talað um eina gerð bíls en nokkra aðra á Íslandi. Að minnsta kosti ef eitthvað er að marka það sem fram kemur í blöðum þess tíma. Samkvæmt því sem þar segir er bíllinn einnig ódýrastur á markaðnum. Hvaða bíll er þetta?
Næsta kynslóð Fiat Tipo mun skipta úr hlaðbaki yfir í crossover í fjölskyldustærð...
Það er komin ný uppfærsla fyrir Android Auto. Þessi útgáfa virkar með Android 6.0+ þ.e. eldri útgáfur en 6.0 af Android stýrikerfinu...