Það hlaut að koma að því: Að framtíð og fortíð hittust á miðri leið! Það gerðist í dag á Samgönguminjasafninu Ystafelli þegar DMC DeLorean kom á safnið ásamt fríðu föruneyti. Eigandinn, Stefán Örn Stefánsson, kom með bílinn góða í flutningabíl að Ystafelli og þar mun bíllinn vera innan um aðra góða og merka bíla.
Bíllinn sá er eini sinnar tegundar á landinu og var fluttur inn árið 1998. Árgerðin er 1981 eins og undirrituð sem, eins og bíllinn, telst forngripur en er þó ekki komin á safn. Ekki enn.
En vonandi um ókomna framtíð í anda þessa bíls.
Bíllinn lítur vel út og er næsta víst að um hann hefur verið hugsað af mikilli alúð og þannig verður það áfram á Ystafelli þar sem ekkert er ómögulegt.
Meira um safnið má lesa hér og svo má auðvitað fara að Ystafelli sem ævintýri út af fyrir sig.
Meðfylgjandi ljósmyndir eru birtar með góðfúslegu leyfi Samgönguminjasafnsins.
Aðrar umfjallanir
Stellantis stefnir að því að tvöfalda framleiðslu á „nýja“ Fiat 500, söluhæsta fjöldamarkaðs rafhlöðurafbíl í Evrópu ef hann getur fengið nóg...
Enn og aftur er Tesluspæjarinn „okkar“ á ferðinni í námunda við verksmiðjuna í Fremont. Hann er örugglega ekkert voðalega vinsæll hjá framleiðandanum, eftir að hann svipti hulunni af breytingum á Cybertruck í síðasta mánuði. En við (og margir aðrir) kunnum sko að meta kauða!
Nissan kynnir í sumar skilvirku og hljóðlátu rafdrifnu aflrásina e-Power fyrir Nissan Qashqai sem felst í meginatriðum í eiginleikum og upplifun...
Flestar minningar mínar um bílasýningar eru góðar. En þó er ein svo óþægileg að ég hélt og vonaði að um falska minningu væri að ræða.