Nissan á tunglið?
Nissan Lunar Rover hugmyndin kynnt sem hluti af JAXA samstarfi
Frumgerð Nissan notar sömu e-4ORCE tækni og Ariya jepplingurinn og er hannaður til að veita grip á yfirborði tunglsins.
Nissan er að víkka sjóndeildarhringinn – bókstaflega. Fyrirtækið hefur tekið höndum saman við „Japan Aerospace Exploration Agency” (JAXA) og hannað nýja frumgerð tunglbílsins og notað til þess þá sérfræðiþekkingu sem það öðlaðist við þróun á hreinum rafmögnuðum Ariya.
Nissan segir að tunglbíll framleiðandans noti sömu e-4ORCE mótorstýringartækni og jeppinn, sem fyrirtækið heldur fram að muni gefa rannsakandanum meira grip á hálu yfirborði tunglsins og gera honum kleift að heimsækja enn ókannað svæði í næsta nágrenni jarðar.
Svolítið ólíkt nýlega kynntum Ariya Single Seater Concept frá Nissan, deilir flakkarinn ekki grunni sínum með Ariya jepplingnum, því þannig væri tunglflakkarinn allt of þungur fyrir geimferð.
Í staðinn er bara notast við endurgerða útgáfu af hugbúnaðinum sem stjórnar því.
Hugbúnaðurinn virkar svolítið eins og togstýringarkerfi; hjálpar til við að takmarka snúning hjóla á hálum flötum (eins og mjúkum sandlíkum „regolith“ sem er jarðvegsþekjan sem hylur yfirborð tunglsins) og gerir flakkanum kleift að klifra upp brattar hæðir eða yfir oddhvassa steina.
Fyrir flakkarann hefur Nissan einnig leyft e-4ORCE kerfinu að stjórna hverju hjóli sjálfstætt.
Á Ariya bílnum sem ætlaður er fyrir venjulega vegi getur kerfið aðeins stjórnað hverjum öxli þar sem jeppinn hefur tvo rafmótora í stað fjögurra. Myndband Nissan sýnir kerfið að störfum og virkni tunglbílsins:
Toshiyuki Nakajima, ökutækjaverkfræðingur Nissan og yfirmaður e-4ORCE áætlunarinnar, sagði: „Notkun bíla og akstursaðstæður eru víðtækar.“
„Við stefnum að fullkominni akstursframmistöðu með rannsóknum okkar og þróun og trúum því að þekkingin sem fæst með þessum sameiginlegu rannsóknum með JAXA muni leiða til nýjunga í farartækjum okkar sem munu skila viðskiptavinum ávinningi.
Ekkert hefur enn verið gefið upp um hvenær frumgerð Nissan tunglbílsins mun taka risastökkið upp á yfirborð tunglsins. Við gerum ekki ráð fyrir því að það komist af stað í bráð - en JAXA fullvissar okkur um að verkefnið muni nýtast í komandi geimferð.“
Ikkoh Funaki, forstöðumaður JAXA geimkönnunar- og nýsköpunarmiðstöðvar, sagði: „JAXA stefnir að því að beita rannsóknarniðurstöðum til framtíðar geimkönnunar.
(frétt á Auto Express)
Aðrar umfjallanir
Sá sem þetta skrifar á tvo bíla – en báða gamla, annan liðlega 12 ára og hinn nærri 20 ára. Þar af leiðir að í þessum bílum eru engir nútímalegir skjáir eða leiðsögukerfi...
Bronco í útfærslu slökkvibíls, snjóbíls og vígalegs torfærutrukks er á meðal þess sem Ford ætlar að kynna á SEMA sýningunni í Las Vegas eftir viku.
Verkstæðisuppákomur vikunnar eru með líflegasta móti, alla vega í Norður-Ameríku. Þegar komið var með F-150 pallbíl á verkstæði nokkurt kom í ljós að hæna sat á helst til stóru priki, þ.e. á afturöxlinum. Þar hafði hún verið alla bílferðina eða heila 32 kílómetra. Vikuskammturinn af vitleysu er hér!
Volvo mun fljótlega vera kominn með fulla rafknúna línu, þar sem það hefur það markmið að rafbílar verði 100% af sölu Volvo