Nú gefum við annað eintak af bókinni Bílamenning eftir Örn Sigurðsson. Forlagið leggur til nokkur eintök af þessari fínu bók og hana getið þið eignast með því að taka þátt í smá sprelli hér. Fróðlegu sprelli.

Nema hvað! Nafnið „Hallærisplanið“ kemur fyrst fyrir (eftir því sem ég fæ best séð) í dagblaðinu Vísi í janúar árið 1967. Það var nú ekki í svo skemmtilegu samhengi enda um flúskur og fólskubrögð manna í millum að ræða. Lögreglan mætti á staðinn og birtist klausa um málið í blaðinu.

En þetta áður vinsæla bílastæði, þar sem nú er Ingólfstorg, átti sér nú mun skemmtilegri hlið en að vera einhver samkomustaður slagsmálahunda og áflogaseggja. Þetta var auðvitað vinsæll viðkomustaður á „rúntinum“ sem var og hét. Töffarar á tryllitækjum sýndu sig og sáu aðra og í minningunni var þetta alltaf eins og bíla- eða öllu heldur vélhjólasýning þarna á Hallærisplaninu.  

Nú langar okkur, kæru lesendur, að spyrja hvort þið eigið minningar, myndir eða sögustubb sem tengja má Hallærisplaninu? Ef þú vilt eignast eintak af bókinni Bílamenning vertu þá með í leiknum!

Svona eru leikreglurnar og nafnið þitt er komið pottinn ef þú fylgir eftirfarandi: 

Deildu þinni Hallærisplans-tengingu endilega með okkur hér og ekki klikka á að „líka“ við okkur á Facebook í leiðinni til að missa ekki af fréttum úr bílaheiminum. Nú, eða því hver eignast bókina! Verður það kannski þú?