Fyrir 115 árum tóku tveir karlar sig til, tveir Fiat-karlar meira að segja, og stofnuðu fyrirtækið Lancia & C. Fabbrica Automobili í Torino á Ítalíu.
Svo flinkur ökumaður þótti hann að æðstu menn hjá Fiat veittu því athygli og buðu honum að aka fyrir Fiat í kappakstri. Hann var nú til í það og í annað skiptið sem Fiat tók þátt í kappakstrri, árið 1900, ók Lancia og gerði mikla lukku. Hann var víst með eindæmum hraður ökumaður.
Vincenzo Lancia.
Náði hann, árið 1906, besta tímanum í fyrsta kappakstrinum sem fram fór á Le Mans. 64 mílur var vegalengdin, eða 103 kílómetrar. Tíminn á hringnum, gott fólk, haldið ykkur nú… var 53 mínútur og 42 sekúndur!
En hvað hefur þetta með bílaframleiðandann Lancia að gera?
Jú, þarna gleymdi blaðamaður sér aðeins, því akstursíþróttir hafa svo svakalegt aðdráttarafl. Samt er hér dálítil tenging þó langsótt sé:
Þeir stofnuðu, á því herrans ári 1906, fyrirtækið fyrrnefnda: Lancia & C. Fabbrica Automobili.
Lancia Alfa (Alpha) vakti eflaust athygli þegar hann kom 1907/1908. Myndir/Lancia/Stellantis
Árið 1907 kom fyrsta Lancian þeirra á götuna og nefndist hún Tipo 51 í upphafi, en var síðar þekkt sem Alfa. Framleiðsla á Lancia Alfa stóð frá 1907 til 1908 og var bíllinn með fjögurra strokka vél sem skilaði 28 hestöflum. Meira um tæknihlutann hér.
Lancia Alfa (Alpha)
Fátt er sagt um Claudio Fogolin á veraldarvefnum (þegar leitað er í snatri), annað en að hann hætti sem prufuökumaður fyrir Fiat sama ár og þeir Lancia stofnuðu sitt eigið fyrirtæki. Lancia ók eftir sem áður fyrir Fiat til ársins 1910. Sennilega í kappakstri frekar en við prófanir nýrra ökutækja. En um það má fjalla betur síðar, hafi lesendur áhuga á slíkri umfjöllun!
En hér er aðeins hálf sagan sögð og varla það. Enda kjarni málsins sá að í dag (eða í fyrradag) eru 115 ár frá stofnun fyrirtækisins að baki Lancia.
Aðrar umfjallanir
Tesla næstum tvöfaldaði sölu og framleiðslu á síðasta ári þrátt fyrir skort á íhlutum í birgðakeðjunni og útlit fyrir svipaða frammistöðu árið 2022 og eftir það.
Margir bíleigendur hafa lent í því að bíllinn þeirra hafi setið fastur og spólað og það jafnvel þótt hann hafi verið búinn...
Hvernig ætli þessum 410 kílóa sendibíl frá sjöunda áratugnum reiði af í umferð nútímans? Það er góð spurning. Hann er með tveggja strokka tvígengisvél sem er 356 cc og jú, ætli það megi ekki kalla þetta bitabox.
Eftir að Bugatti ‘Baby II’ rafbíllinn var settur á markað (eins og Bílablogg fjallaði um í fyrra) hefur Little Car Company tekið höndum saman við Aston Martin...