- Hann verður frumsýndur árið 2022
Volkswagen er smám saman að opinbera frekari upplýsingar um framleiðsluútgáfu ID.Buzz hugmyndabílsins. Við sáum bílinn sem mjög dulbúna sjálfakandi skutlu í september 2021 og nýjasta myndin sem þýski bílaframleiðandinn sendi frá sér sýnir rafmagnsbílinn í mun minni felulitum. Reyndar eru felulitirnir á bílnum í dag alveg í takt við myndir á plötuumslögunum á „hippatímanum“.
Sumar vísbendingar um útlit hafa hins vegar breyst: neðri hluti framstuðarans hefur verið endurhannaður, framljósin sem voru með framúrstefnulegu útliti hafa orðið að víkja fyrir raunsærri einingum og baklýst Volkswagen-merkið er horfið af framendanum. Bíllinn fær líka spegla og hurðarhúna.
Á heildina litið lítur út fyrir að ekki hafi mikið tapast í umskiptum frá hugmyndabíl yfir í framleiðslugerð en við bíðum þar til við sjáum Buzz í endanlegri gerð til að kveða upp endanlegan dóm. Og eins og hugmyndin mun framleiðslulíkanið koma með rafdrifinni aflrás. Hann er byggður á MEB grunni VW, sem er undirstaða vaxandi fjölda rafbíla; þar á meðal ID.4 crossover og nýlega kynntum ID.5, svo Volkswagen mun geta boðið afbrigði afturdrifs og fjórhjóladrifs. Útfærslur með stuttu og löngu hjólhafi verða fáanlegar á heimsvísu, en í fyrri frétt er fullyrt að aðeins sú síðarnefnda verði boðin í Bandaríkjunum, þar sem bíllinn verður markaðssettur sem glæsilegur ævintýrabíll.
Hér má sjá gamla upphaflega „rúgbrauðið“ frá VW og hægra megin er hugmyndin að ID.Buzz sem var sýnd í Genf árið 2017.
Aðrar umfjallanir
Ný kynslóð flaggskips jeppa Jaguar Land Rover er kominn langt í þróunaráætlun sinn fyrir frumsýningu árið 2021. Nú hefur...
Þá er það hafið, Formúluárið 2022 í fréttum. Í dag tilkynnti keppnislið Aston Martin í Formúlu 1 að liðsstjórinn Otmar Szafnauer væri hættur hjá liðinu. Miklar breytingar hafa orðið hjá liðinu síðustu mánuði en brotthvarf liðsstjórans af sjónarsviðinu má segja að hafi verið frekar óvænt.
Jeppar sem skráðir eru í Frakklandi verða fyrir nýjum þungaskatti sem ætlað er að fá framleiðendur til...
Bílar með litlum vélum hafa átt vinsældum að fagna á Íslandi. Í fyrri tíð fluttu bílaumboðin inn slíka bíla til að halda niðri verðum á ódýrari týpum. Til dæmis var hægt að kaupa Ford Escort...