Nýtt flaggskip MG Motor:
BL frumsýnir MG Marvel R Electric
- Getur m.a. deilt orku með öðrum rafbílum
MG Motor hefur kynnt nýtt flaggskip í flota sínum, hinn rúmgóða og framúrstefnulega rafknúna jeppling (SUV-C) MG Marvel R Electric, sem frumsýndur verður hjá BL við Sævarhöfða nk. laugardag, 6. nóvember, milli kl. 12 og 16.
MG Marvel R Electric verður til að byrja með fáanlegur í tveimur útfærslum; Luxury 2WD sem hefur rúmlega 400 km drægni, og Performance 4WD sem hefur um 370 km drægni.
Auk 19“ álfelgna og eftirtektarverðrar útlitshönnunar er MG Marvel R Electric búinn afar fallegri innréttingu og miklum staðalbúnaði fyrir þægindi og öryggi ökumanns og farþega.
Val um 2WD eða 4WD
- MG Marvel R Electric 4WD er búinn þremur rafmótorum; einum að framan og tveimur að aftan. Bíllinn er 288 hestöfl, drægni rafhlöðunnar er um 370 km og snerpan úr kyrrstöðu í 100 km/klst. 4,9 sekúndur enda togið um 665 Nm.
- MG Marvel R Electric 2WD hefur tvo rafmótora við drifrásina að aftan sem gefa 180 hestöfl og 410 Nm tog. Snerpa úr kyrrstöðu í 100 km/klst. 7,9 sekúndur. Bíllinn hefur um 402 km drægni og hámarkshraði MG Marvel R Electric óháð útfærslum er takmarkaður við 200 km/klst.
Sjálfstæður orkumiðlunarbanki
Í MG Marvel R Electric er 70 kWh rafhlaða sem unnt er að hlaða úr 5% í 80% á aðeins 43 mínútum.
Raunar er hægt að hlaða annan rafbíl með orku frá MG Marvel R Electric.
Rúmgóður og öflugur rafbíll í SUV-flokki
MG Marvel R Electric er rúmgóður jepplingur (SUV) sem var sérstaklega hannaður með áherslu á þægindi, tækni og afköst og er varmadæla t.a.m. staðalbúnaður til að viðhalda drægni rafhlöðunnar í kulda. Bíllinn er tæplega 4,7 m langur, rúmir 1,9 m á breidd og 1,7 m á hæð.
Hjólhafið er um 2,8 m sem veitir gott rými fyrir bæði farþega og farangur.
Farangursrými í skotti er 357 lítrar og alls 1.396 lítrar með niðurfelldum sætisbökum. Í Luxury 2WD er að auki 150 lítra farangurspláss undir hlífinni að framan. Með þakbogum er að auki hægt að setja allt að 50 kg af farangri á topp bílsins auk þess sem dráttargetan er allt að 750 kg s.s. fyrir létta kerru eða tjaldvagn.
Þægindi með miklum staðalbúnaði
Marvel R Electric búinn 19,4 tommu snertiskjá fyrir stjórn afþreyingar og upplýsinga og rúmlega 12 tommu stafrænu mælaborði ásamt fjölbreyttum tengimöguleikum ásamt þráðlausri tengingu við internetið gegnum MG iSMART.
Verð MG Marvel R Electric
MG Marvel R Electric 2WD Luxury kostar frá 6.299.000 kr. og Performance 4WD frá 6.999.000 kr.
MG Motor Europe
Sala MG Motor í Evrópu á fyrri hluta ársins nam um 21 þúsund bílum. Auk Íslands eru umboðsaðilar MG nú um tvö hundruð á meginlandinu og Bretlandi og býst framleiðandinn við að í árslok verði þeir orðnir um fjögur hundruð talsins.
Aðrar umfjallanir
Mörg okkar langar í rafbíl, mörgum finnst þeir of dýrir – enda kosta þeir aðeins meira en bílar með hefðbundnum brunavélum. Við vitum að það er hægt að spara sér útgjöld...
Það er óhætt að segja að Dacia hafi átt sviðið (stóran hluta þess) undanfarna daga í bílaheiminum. Hér er ein frétt í viðbót þar sem segir frá rafknúnum torfærubíl sem er mjög áhugaverð hugmynd!
Þegar almenningur í Vesturheimi eignaðist „hestlausa vagna“ urðu óhöppin í umferðinni vissulega fleiri og annars eðlis en áður. Ljósmyndarinn Leslie Jones vann fyrir dagblaðið The Boston Herald frá 1917 til 1956. Umferðaróhöpp voru á meðal þess sem hann myndaði.
Að því er fram kemur í dag á vef Automotive News virðist sem framtíð Mitsubishi Motors í Evrópu sé í óvissu í kjölfar athugasemda forstjóra bifreiðafyrirtækisins...