Rannsókn sýnir: rafbílar kosta meira í þjónustu en hefðbundnir bílar

• Vefsíðan We Predict í Bandaríkjunum skoðaði þjónustu á um 19 milljónum ökutækja á milli áranna 2016 og 2021

Mörg okkar langar í rafbíl, mörgum finnst þeir of dýrir – enda kosta þeir aðeins meira en bílar með hefðbundnum brunavélum. Við vitum að það er hægt að spara sér útgjöld með því að nota heimafengið og náttúruvænt rafmagn í stað innfluttra orkugjafa. En það er ekki bara mismunurinn á milli rafmagns og bensíns eða dísilolíu sem þarf að skoða heldur líka hvað það kostar að eiga rafbíl?

Kostar meira að þjónusta í dag en bilið minnkar

Það kostar meira að þjónusta rafknúin ökutæki en bensínknúin hliðstæð ökutæki, en bilið minnkar með tímanum, samkvæmt nýjum gögnum frá greiningarfyrirtækinu og vefsíðunni We Predict.

Skoðuðu gögn frá 19 milljón bílum

We Predict skoðaði gögn frá um 19 milljón ökutækja á milli áranna 2016 og 2021.

Ný vandamál í rafbílum

Rene Stephens, atjórnandi hjá We Predict, sagði að málið stafi að hluta til af því að vandamál í rafbílum séu enn ný og ókunnug mörgum tæknimönnum.

Meirihluti viðgerðarinnar snerist um sérstaka íhluti rafkerfisins, svo sem raflögn eða vandamál með hleðslu.

Ford Mach-E stendur sig best í Bandaríkjunum

Meðal nýlegra áberandi rafbíla á markaði fann We Predict að Mustang Mach-E frá Ford Motor Co. skilaði bestum árangri.

We Predict er með áætlanir að koma fram með sambærilega skýrslu þar sem horft er til kostnaðar við þjónustu við rafbíla eftir þriggja ára eignarhald.

(frétt á Automotive News Europe – byggt á frétt Michael Martinez á vef We Predict)