Rafknúin ökutæki sem aðeins nota rafhlöður voru tæplega 78% af sölu nýrra bíla

OSLO - Eftirspurn eftir meðalstórum gerðum Tesla í Noregi varð til þess að næstum 80% af heildarsölu bíla í síðasta mánuði eru rafbílar.

Tesla Model Y, var söluhæsti bíllinn með 19,8% af bílamarkaðinum og síðan kom Model 3 fólksbíll Tesla með 12,3%. Enyaq frá Skoda var töluvert neðar, eða í þriðja sæti með 4,4%.

Með því að undanskilja rafknúin ökutæki að öllu leyti frá þeim sköttum sem lagðir eru á bíla er ganga fyrir jarðefnaeldsneyti hefur Noregur, sem framleiðir olíu, orðið leiðandi í því að hætta notkun á brunahreyflum og árið 2020 seldust rafbílar betur en allir aðrir bílar í fyrsta skipti.

Lúxus skattur

Fréttir hafa borist af því að næsta ríkisstjórn undir stjórn Jonas Gahr Störe og Verkamannaflokksins verði skipuð aðilum sem hafa heitið því að taka upp 25% virðisaukaskatt af verðmiða hvers nýs bíls sem fer yfir 600.000 norskar krónur.

„Við höfum undanfarin tvö ár fengið margar nýjar gerðir [...] það er úr nógu að velja fyrir þá sem vilja enn kaupa bíl á meðan undanþága er frá virðisaukaskatti,“ bætti Hansen við.

(frétt frá Reuters – Autoblog)