Nýir bílar Volvo munu fá nöfn í stað númera
- Volvo mun gera breytingar á nafnakerfi bíla sinna. Fyrsti bíllinn í nýju nafnakerfi verður nýtt flaggskip í rafbílaflota framleiðandans
- XC90, keppinautur Tesla Model X, mun fá nýtt nafn þegar samsetning á bókstöfum og tölum í nöfnum heyra sögunni til
Volvo mun breyta því hvernig fyrirtækið nefnir bíla sína og tekur breytingin gildi þegar nýtt rafknúið flaggskip framleiðandans verður frumsýnt á næsta ári.
„Þessi bíll mun bera nafn, meira eins og nýfætt barn,“ sagði forstjóri Volvo, Hakan Samuelsson, á kynningu á miðlægri framtíð rafbíla fyrirtækisins á miðvikudag.
Volvo vill að helmingur sölunnar á heimsvísu - áætlað 600.000 bílar - verði fullrafknúin ökutæki árið 2025 og að Volvo verði aðeins rafmagns vörumerki árið 2030.
- Kynna nýjan grunn
- Aðeins verða seldur á netinu
- Bjóða lidar (sem er ný gerð radarskynjara) sem staðalbúnað til að bæta öryggi
- Bjóða síðar stjórn án aksturs í svokölluðu „Ride Model“ á stöðum þar sem löggjöf gerir tækni bílsins kleift að taka yfir stýringuna
- Bjóða tvíhliða hleðslu svo viðskiptavinir geti fært rafmagn aftur á netið á stöðum þar sem það er mögulegt
Fyrsti sinnar tengundar
„Það að kalla þetta bara nýjan XC90 væri rangt vegna þess að þetta er raunverulega fyrsti bíll sinnar tegundar,“ sagði Samuelsson við Automotive News Europe.
Nýji bíllinn mun einnig vera sléttari að utan og með rúmbetri innréttingu sem er forsýnd af Concept Recharge sem Volvo frumsýndi á miðvikudag.
Grillið á Concept Recharge er eins og heill skjöldur og eins er ný hönnun framljósa með yfirbragði hamars Þórs áberandi.
Stjörnur nýja innanrýmisins eru 15 tommu snertiskjár og fljótandi skjár fyrir aftan stýrið sem mun nota nýþróað stýrikerfi Volvo. Rafbílar Volvo munu einnig hafa miðstýrðan tölvugrunn.
Nafnið kynnt árið 2022
Volvo ætlar að upplýsa um nafn bílsins þegar fyrirtækið frumkynnir framleiðsluútgáfu á þessum crossover árið 2022. Afhending rafbílsins, sem verður smíðaður í verksmiðju Volvo í Suður-Karólínu í Bandaríkjunum, hefst árið 2023.
(Automotive News Europe)
Aðrar umfjallanir
Volvo vöru- og flutningabílar tróna á toppnum á Íslandi fyrstu sjö mánuði ársins með 33,7% hlutdeild og 28 nýja selda vörubíla yfir 10 tonn og er...
Of margir hugmyndabílar nú á dögum eru bara útþynnt forsýning á framleiðslubílum...hér gefur á að líta greinargóða yfirferð á hugmyndabílum frá Jóhannesi Reykdal. 1. hluti af 4.
Milton Da Silva, faðir kappaksturshetjunnar Ayrton Senna, lést í gær, 94 ára gamall. Hans var maðurinn sem kveikti áhuga Senna á kappakstri í upphafi.
Þessi 45, fyrsti sérstaki rafmagnsbíll Hyundai, hefur verið í prófunum á Nürburgring í Þýskalandi vegna undirbúnings...