Fáránlega flottur kaggi?
- Sambland af „crossover“ og sportlegum fólksbíl
Tengsl við alheiminn
Þetta er nýr hugmyndabíll sem kallaður er Vision Starburst. Nafngiftin á svo sem ekkert skylt við ávaxta karamellurnar ef þú ert eitthvað að pæla í því.
Heldur er nafnið tengt stjörnuheiminum og líkt við „fæðingu nýrrar stjörnu“. Þeir eru háfleygir á þeim bænum.
Flottar línur
Línan í bílnum er svona sambland af sportara eða jafnvel sportjepplingi. Óljóst hverskonar bíll þetta er en Geely hefur ekki gefið neitt út um hvaða flokki bíllinn tilheyrir.
Þeir hjá Geely vildu láta hliðarlúkkið vera það eftirtektaverðasta við hönnun bílsins og sýnist manni það hafa tekist ágætlega.
Breið og mikil LED lýsing nær alla leið á milli framljósanna og rammar þannig stórt grillið inn. Þetta má sjá á til dæmis VW ID.4 í dag. Geely hefur ekki gefið út hver drifrás bílsins verður en gefur til kynna að hann þurfi að hlaða. Þá er þetta væntanlega rafmagnsbíll. Hversu mikið afl er ekki á hreinu – enda bara hugmynd ennþá.
Hjólbogalýsing
Geely segir í lýsingu bílsins að hönnunin eigi að endurspegla þá orku sem Starburst stirnið skilar út alheiminn. Hvernig sem við eigum nú að túlka þá fullyrðingu.
Þessi bíll er líklegast flottastur að aftan. Hönnun afturljósanna er framúrstefnuleg og það er heilmikið að gerast fyrir neðan afturhlerann.
Hurðir opnast „of“ vel líklega
Það má alveg segja að hurðir bílsins séu næsta furðulegar. Gæti orðið erfitt að opna þessar úti í Eyjum á vindasömum degi. Lýsing skapar stóran sess í framtíðarlegu innanrýminu. Maður gæti eflaust fílað sig eins og maður væri á leið í geimskot, sestur undir stýri.
Þessi kaggi fer reyndar ekki í framleiðslu, heldur er hann nokkurskonar hugarflug fyrir framtíðartón í vöruúrvali fyrirtækisins.
Aðrar umfjallanir
Fjöldi hluta sem eitt sinn voru í eða á bílum hafa horfið og við kannski ekki veitt því athygli. Í það minnsta ekki saknað mjög mikið. Tökum nokkur dæmi um misjafnlega áberandi atriði sem horfin eru að mestu eða með öllu.
Hvað svo sem segja má um Mercedes-liðið í Formúlu 1 þá kann það að kveðja fólkið sitt almennilega – alla vega ef það er gert eins og í kvöld þegar ökumaðurinn Vallteri Bottas sagði formlega skilið við liðið.
Þarna er hann! Litli hlunkurinn í öllu sínu veldi – sem hefur látið bíða svona óskaplega lengi eftir sér (og mun láta bíða enn lengur eftir sér). Jú, ég á við Tesla Cybertruck! Hann var í prófunum á Tesla-brautinni í Fremont í fyrradag.
Viltu vita hvernig hljóðið er inni í nýjum Mercedes-Benz EQS þegar stillt er á „Sport Mode“ og hljóðumhverfið (Soundscape) Vivid Flux? Það þarf ekki endilega að vera þögn í bílnum!