Tími V8 vélarinnar er á enda
- En það sem tekur við gæti hins vegar orðið enn meira spennandi
Dodge ráðgerir að endurhanna Dodge „muscle” bíla sína. Fyrirtækið lét nýlega flakka að útblásturs reglugerðir væru að „drepa” V8 vélina.
„Það hefur svosem ekki verið gefin út nein dagsetning sem segir að þú getir ekki lengur keypt grjótharða HEMI járnblokkina en allir vita að sú dagsetning nálgast og þeir sem hefðu áhuga ættu að njóta hennar (brunavélarinnar) á meðan þeir geta,” sagði Matt McAlear, framkvæmdastjóri sölusviðs hjá Dodge í viðtali við Muscle Cars & Trucks.
Leikurinn er langt í frá tapaður. „Það sem kemur í staðinn verður svo miklu meira spennandi,” bætti hann við án þess að fara neitt dýpra í það.
Orðrómur um framtíð Charger og Challenger (þeir sem komu á markað 2008) eru mismunandi. Einn af óstaðfestum slíkum er að næsta kynslóð Challenger verði minni og léttari en forverinn.
Hann hélt því einnig fram að það yrði ekki 8 sílindra 700 hestafla bensínvél sem yrði undir húddinu á arftakanum.
Ekkert bendir til þess að nýlegur samruni við PSA samsteypuna sem framleiðir meðal annars Peugeot og Citroen hafi í för með sér einhverjar breytingar – þ.e. að Dodge muni ekki rafvæða – ef eitthvað er muni það flýta rafvæðingu.
En í millitíðinni mun Dodge gera það sem þeir gera best – að uppfylla drauma bensínþyrstu kaggaþeysaranna með framleiðslu V8 véla.
Þeir hjá Dodge eru því ekki alveg búnir að pakka teikningunum af V8 vélinni niður ennþá. Opinber gögn sýna að Dodge Challenger verður í framleiðslu í óbreyttri mynd allavega til 2023 en Chargerinn og Challengerinn eru framleiddir í Brampton Assembly sem er staðsett í útjaðri Toronto.
Hér má heyra hljóðið í Challenger SRT Hellcat
Byggt á grein Autoblog.
Aðrar umfjallanir
Þó fæstir kunni að tengja Corvettur við geimferðir og NASA þá er tengingin nú samt sterk og hefur verið lengi. Corvettur geimfaranna þriggja, áhafnar Apollo 12, eru sennilega þekktastar í því samhengi.
Við höfum fjallað um nýja rafdrifna Ariya sportjeppann frá Nissan sem er væntanlegur á markað í Evrópu í lok næsta árs, og ráðgert hafði...
Bílasafnarinn Jay Leno brenndist alvarlega eftir að kviknaði í einum bíla hans í bílskúrnum
DETROIT / WASHINGTON – Cruise, sem er framleiðandi sjálfkeyrandi bíla, sagði að það og meirihlutaeigandinn General Motors myndu leita eftir samþykki bandarískra stjórnvalda á næstu...