Mercedes kynnir rafknúinn van-hugmyndabíl fyrir stækkandi framboð rafbíla
- EQT rúmar allt að 7 farþega og kemur á markað árið 2022
Mercedes-Benz var að kynna myndir og upplýsingar um rafknúna hugmynd að „van“-bíl sem bílaframleiðandinn segir að sé „nálægt því að vera tilbúinn fyrir fjöldaframleiðslu“ og er meðal þeirra gerða sem fyrirtækið bætir við til að breikka svið í rafbílum sem aðeins nota rafhlöður á næsta ári.
Þessi „rafútgáfa“ af Mercedes T-Class, sem kallast EQT, mun rúma allt að sjö farþega og koma á markað árið 2022, sagði Mercedes í yfirlýsingu á mánudag.
Bíllinn mun verða samferða Citan sendibílnum sem kynntur verður síðar á þessu ári, en útgáfa hans verður full rafknúin.
Daimler segir að EQT „muni höfða til fjölskyldna og allra þeirra einkaaðila, óháð aldri þeirra, sem njóta tómstunda og þurfi mikið pláss og hámarks breytileika án þess að láta frá sér þægindi og útlit“. - myndir MERCEDES-BENZ.
EQT „mun höfða til fjölskyldna og allra þeirra einkaaðila, óháð aldri, sem njóta tómstundaiðkunar og þurfa mikið pláss og hámarks breytileika án þess að láta frá sér þægindi og útlit“, sagði Marcus Breitschwerdt, yfirmaður sendibifreiða hjá Mercedes, í yfirlýsingunni.
Vörumerkið ætlar að smíða átta rafknúin ökutæki í þremur heimsálfum á næsta ári til að takast á við Tesla og halda keppinautum þar á meðal BMW í skefjum.
EQT mun hafa pláss fyrir allt að 7 farþega og 2 rennihurðir. Mynd: MERCEDES-BENZ
EQT mun keppa við ökutæki eins og rafknúna afbrigðið af Microbus frá Volkswagen, ID Buzz, sem ætlað er að ná til sýningarsalanna árið 2023.
Framleiðsla á „van“-bílum Mercedes verður að bregðast við auknum athugasemdum fjárfesta eftir að Daimler lýkur fyrirhugaðri endurskoðun á starfsemi þungaflutningabíla síðar á þessu ári.
Deildin hefur verið háð miklum tekjusveiflum undanfarin ár og verður áfram hluti af aðalstarfsemi Mercedes bílaframleiðslunnar sem einbeitir sér að lúxusbifreiðum sem skila sterkri ávöxtun.
EQT hönnunarhugmyndin er með 21 tommu léttfelgur. Mynd: MERCEDES-BENZ.
Viðleitni sendibíladeildarinnar til að deila þróunarkostnaði með sameiginlegum bílaverkefnum með Renault og Nissan hefur að mestu mistekist. Mercedes hætti við X-Class pallbílinn sem var byggður á Nissan Navara vegna lélegrar sölu og viðskiptavinir urðu fyrir vonbrigðum með miðlungs gæði Citan litla sendibílsins sem deildi íhlutum með Renault.
Nissan gekk í síðustu viku til liðs við Renault við að selja lítinn hlut sinn í Daimler, sem keyptur var fyrir um áratug síðan til að tryggja samstarf þeirra.
(Bloomberg)
Aðrar umfjallanir
Ég var að reynsluaka bíl um daginn og datt þá allt í einu í hug að líkja honum við manneskju. Mér datt í hug nunna. Þetta var semsagt nokkuð einfaldur bíll, með gott orðspor...
Munið þið eftir „vægast-sagt-spes“ náunganum um daginn sem bjó til fyrstu þotuknúnu Tesluna? Jú, ég hélt það nú líka! Og munið þið eftir hinum „nokkuð-spes“ náunganum? Sem setti V8 mótor í Teslu? Akkúrat. Tveir náungar sem maður gleymir ekki svo glatt. Hér hittast þessir tveir og ekki nóg með það…
Smart getur virkað mjög stór í samanburði við mörg þau bílkríli sem framleidd hafa verið í gegnum tíðina. Lítum á nokkra agnarsmáa bíla og byrjum bíltúrinn á eyjunni Mön, eða Isle of Man, því þaðan kemur nefnilega Peel Trident!
Allir nýir bílar eru búnir spyrnustýringu eða spólvörn, en veistu hvernig þetta virkar?