Jæja, hér er eitthvað sem við munum ekki sjá á hverjum degi
Mercedes Benz SLS AMG Electric Drive er til sölu. Margir muna eflaust eftir þessum sérstaka bíl þegar Mercedes hleypti honum af stokkunum snemma á síðasta áratug og vakti gríðarlega ahygli.
Það sem mennn muna kannski síður er sá fjöldi bíla sem var framleiddur af þessari gerð.
Mercedes skrúfaði aðeins níu svona stykki saman sem gerir hann að ansi sjaldgæfum og eftirsóknarverðum safngrip í ofurbílaflokknum.
Ásett verð eru tæpar 158 milljónir.
Það er reyndar einn til sölu núna. Hann er í þessum ofur-eftirtektarverða lit sem er hluti af vörumerki gripsins og heitir Green electric.
Mercedes ætlaði sér frekari landvinninga með þennan bíl en eftirspurnin var ekki fyrir hendi og náði aldrei flugi.
Verðmiðinn var líka ansi hár í upphafi eða um 417 þúsund dollarar. Það gerði að verkum að meðalmaðurinn var ekki á lista yfir kaupendur bílsins. Það var svosem ekki mikil eftirspurn eftir rafmagnsbílum á þeim tíma sem bíllinn var kynntur – og sérílagi ekki rafmagns sportbílum.
Tveir eigendur frá upphafi
Þetta eintak er nú boðið til sölu af öðrum skráðum eiganda bílsins. Bíllinn var upphaflega afhentur í Sviss en er nú skráður í Hollandi.
Ökutækið er ekið um 3.780 kílómetra sem gerir um 483 kílómetra akstur að meðaltali á ári.
Miðað við að Benzinn er með 60 kW stunda rafhlöðu sem gefur um 245 kílómetra akstursdrægni að meðaltali er ljóst að rafmagnskostnaður vegna hleðslu ætti ekki að hafa plagað eigendur bílsins.
Aðrar umfjallanir
Sem fyrsta stóra alþjóðlega sýningin sem átti sér stað árið 2020 voru augu bílaheimsins á Bílasýningunni í Beijing - eða að minnsta kosti hefðu þau verið það ef þau hefðu getað komið...
Margir voru farnir að hlakka til bílasýningarinnar góðu í Genf sem átti að halda í febrúar 2022. Þar á meðal við hér á Bílabloggi. Nú hefur sýningunni verið frestað um heilt ár.
Breski sportbíllinn Lotus Esprit var framleiddur frá 1976-2004. Hann komst almennilega á kortið eftir stórt hlutverk í Bond-myndinni The Spy Who Loved Me árið 1977. Minna hefur farið fyrir þeirri staðreynd að sami bíll er fyrirmyndin að Tesla Cybertruck.