Staðfest að nýr Volkswagen ID.5 coupe-sportjeppi komi í framleiðslu
Volkswagen ID.5 verður einbeittari útgáfa af ID.4 og nýtir sér vaxandi þróun í átt til coupe-sportjeppa
Auto Express virti frétt þess efnis að Volkswagen hafi staðfest að fyrirtækið muni brátt setja á markað hreinan rafknúinn sportjeppa, kallaðan ID.5. Nýja gerðin er þegar komin á stig forframleiðslu - og fullbúinn bíll á að fara í sölu seinni hluta þessa árs. Þegar hann kemur á markað mun ID.5 keppa við Citroen e-C4 og væntanlegan Kia CV.
Í meginatriðum mun Volkswagen ID.5 vera endurgerð útgáfa af ID.4, sem þýðir að hann verður byggður á sama MEB-grunni VW Group fyrir rafknúna bíla og hefur því aðgang að sama úrvali aflrása og rafhlöðu pakka.
Staðfestingin á stöðu smíði bílsins fyrir framleiðslu kom í síðustu viku í þýskum fjölmiðlum, en smíða á bilinn í Zwickau rafbílaverksmiðju VW í Þýskalandi, þar sem ID.3 og ID.4 eru einnig framleiddir.
Líkt og Volkswagen ID.4 mun fyrsta gerð af ID.5 líklega vera með 201 hestafla rafmótor sem er festur á afturöxul og 77kWh rafhlöðu. En vegna minni loftmótsstöðu bílsins gæti aksturssvið hans aukist miðað við 500 kílómetra svið ID.4.
Efst í ID.5 línunni verður öflugt GTX afbrigði, sem mun hafa sömu tveggja mótora, fjórhjóladrifnu aflrásina og Skoda Enyaq vRS. Þessi tækni er einnig í boði á ID.4 og er 302 hestöfl, sem dugar fyrir 0-100 km/klst á 6,2 sekúndum.
Að framan er ID.5 með svipað útlit og ID.4, með kunnuglegum LED-ljósum og næstum eins stuðara. Hins vegar hefur róttækum rennihurðum hugmyndabílsins verðið kastað fyrir róða í framleiðslunni og B-stoðirnar hafa verið settar aftur í, líklegan til kostnaðarlækkunar og öryggis.
Kaupendur fá einnig nýjasta aukabúnað Volkswagen, svo sem vísun upplýsinga í sjónlínu ökumanns og nýtt ‘Hello ID’ raddstýringarkerfi.
Það má lesa á vefsíðum að ID.5 verði aðeins minna hagkvæmur en ID.4. Þaklínan mun líklega minnka höfuðrýmið í aftursætinu, en hallandi afturendinn gæti rænt nokkurn farangursrými. Með aftari bekkinn á sínum stað er ID.4 með 543 lítra farangursrými en ID.5 kaupendur gætu þurft að fórna meira en 100 lítrum af plássi fyrir útlitið.
(byggt á frétt á Auto Express)
Aðrar umfjallanir
Mazda MX-30, fyrsti 100% hreini rafbíll Mazda, er nú á leiðinni til Íslands og mun Brimborg bjóða hann með ríkulegum staðalbúnaði, víðtækri ábyrgð og innbyggðri varmadælu á...
Fyrsta alvöru bílasýning ársins í Evrópu opnar dyr sínar eftir nokkra daga í Munchen, þegar IAA...
Úr fimbulkuldanum í Norður-Svíþjóð hefur borist kveðja. Nánar tiltekið frá Arjeplog sem er skammt frá heimskautabaugi. Jú, og kveðjan er páskakveðja frá ekki ómerkari fagureggjaframleiðanda en Koenigsegg.
Það er óhætt að segja að Dacia hafi átt sviðið (stóran hluta þess) undanfarna daga í bílaheiminum. Hér er ein frétt í viðbót þar sem segir frá rafknúnum torfærubíl sem er mjög áhugaverð hugmynd!