Nýr Hyundai Santa Fe frumsýndur í dag
Nú eru liðin rúm 20 ár frá því að fyrsti Santa Fe jepplingurinn kom, sá og sigraði. Það er ekki ofsögum sagt að að Hyundai Santa Fe hafi verið í hópi frumkvöðla á jepplingamarkaði þegar hann leit fyrst dagsins ljós í byrjun nýrrar aldar.
Hyundai á Íslandi frumsýndi í dag fjórðu kynslóðarbíl Santa Fe í Kauptúni í Garðabæ.
Við kíktum á gripinn og satt best að segja vorum við yfir okkur hrifin. Það er tilhlökkun hjá okkur að fá bráðlega að reynsluaka þessum nýja jepplingi frá Hyundai.
Eins og sjá má á myndum frá frumsýningunni var margt um mannninn og vöktu sýningargripirnir óskipta athygli viðstaddra.
Nýr Hyundai Santa Fe er boðinn með tveimur öflugum dísel vélum en ásamt þeim verður bíllinn í boði með 2,4 lítra bensínvél.
2,4 lítra Theta II-bensínvélin skilar 185 hö. (136 kW), 238 Nm togi og fæst með 6 þrepa sjálfskiptingu og fjórhjóladrifi.
Venjulega R2.0-dísilvélin er til í tveimur aflútfærslum: 150 hö. (110 kW) og 185 hö. (136 kW) og 400 Nm tog. Hægt er að fá vélina með sex gíra beinskiptingu bæði með framhjóladrifi og fjórhjóladrifi eða nýju átta þrepa sjálfskiptingunni með fjórhjóladrifi.
2,2 lítra CRDi-vélin skilar 200 hö. (147 kW), 440 Nm togi og er fáanleg með 6 gíra beinskiptingu eða nýju 8 þrepa sjálfskiptingunni og hægt er að velja á milli framhjóladrifs og fjórhjóladrifs.
Verðið er frá 8.690 þús. og upp í 10.690 þús.
Aðrar umfjallanir
Gamall Ford Sierra? Tjah, já svona upp að einhverju marki en ekki er allt sem sýnist. Það var venjuleg 1.6 lítra vél í honum en ekki lengur. M50B20, segir það eitthvað? En Holset HX40?
MILAN - Fiat Chrysler er að setja í gang verkefni í sínum sögulega ítalska heimabæ, Tórínó til að láta bíla sína með tengitvinnbúnaði fara sjálfkrafa...
Porsche er að undirbúa rafvæðingu 911 með fyrstu hybrid-útgáfunni af aðalsportbílnum sínum og njósnaraljósmyndarar hafa náð myndum...
Peugeot mun gangast undir „endurnýjun“ sem eitt af meira áleitnum og flottari merkjum í nýja Stellantis hópnum samhliða yfirvofandi frumsýningu á næstu...