Hvernig virka vatnslásar?
Yfirleitt virka þeir bara vel! En þegar þeir bila festast þeir oftast annað hvort opnir, sem veldur því að mótorinn er lengi að hitna, eða festast lokaðir sem getur valdið því að vélin ofhitnar.
Nokkrar gerðir af vatnslásum
Vatnslás er ventill eða loki sem er með vaxfylltum strokk en vaxið mýkist og þenst út við hita. Þá yfirvinnur vaxið kraftinn í gormi sem heldur vatnslásnum lokuðum og þá streymir heitur kælivökvi frá vélinni inn í vatnskassann.
Vatnslásar eru staðsettir á milli vélar og vatnskassa, yfirleitt utan á vélinni.
Það er stundum hægt að fá vatnlása sem eru mismunandi heitir eins og það er kallað. Þ.e. þeir opna við mishátt hitastig en það getur verið kostur ef vél hitnar of mikið og hratt eða lítið og of hægt.
Þá er talað um að skipta um vatnslás og setja kaldari eða heitari vatnslás í staðinn.
Myndbandið hér á eftir sýnir virkni og uppbyggingu vatnslássins mjög vel.
Takið eftir því að vatnslásinn er ofarlega á vélinni og vatnið fer inn í vatnskassann í gegnum efri hosuna (slönguna). En það er af því að heitt vatn eins heitt loft leitar upp. Þegar kælivatnið kólnar í vatnskassanum sígur það niður að botninum þetta auðveldar vatnsdælunni að vinna sitt verk.
Þessu tengt:
[Grein frá janúar 2021]
Aðrar umfjallanir
Það má með sanni segja að þessi dagsetning, 4. ágúst, sé þrungin merkingu í huga einhverra sem vel þekkja til sögu hljómsveitarinnar Led Zeppelin. Þá einkum og sér í lagi í huga söngvarans sjálfs, Roberts Plant. Þennan dag, 1975, breyttist margt.
Það er ekki amalegt að mæta til vinnu á nýju ári og fara beint í það að prófa æðisgengnar útfærslur af Bronco í Johnson Valley. Það styttist nefnilega í keppnina King of the Hammers.
Á hraða formúlubíls og með hlass á pari við íbúðarhús lendir farþegaþota oftast nær án þess að sprengja dekk. Þetta er Bílablogg en það eru jú líka dekk undir flugvélum þannig að þær fá að vera með hér, dekkjanna vegna!
Dekk undir bílum hafa þróast hratt í gegnum tíðina; allt frá fyrstu dekkjunum sem voru úr hreinu „hrágúmmíi“, þar sem gúmmíkvoðan sem kom frá gúmmítrjánum var hert með efnablöndum svo það var hægt að búa til endingargóð dekk undir ökutæki.