Lada á leið á markaðinn með nýjan Niva jeppa
Gamla góða Lada vörumerkið sem í dag er rússneskt vörumerki Renault, mun setja á markað nýjar útgáfur af gamla góða Niva jeppanum (sem við kölluðum Lada Sport) á árinu 2024 sem hluta af endurskoðun sem mun sjá gerðir Lada fara á sameiginlegan Renault-Nissan bandalagsgrunn, sagði Luca de Meo forstjóri Renault í síðustu viku.
Vörumerkið mun einnig setja tvo nýja litla bíla á markað árið 2023 en ekki voru gefnar fleiri upplýsingar. Undir stjórn de Meo mun Renault Group sameina vörumerkin Lada og Dacia í eina rekstrareiningu sem deilir grunni og þróunarkostnaði.
Renault sýndi þessa hugmynd að framtíðar Lada Niva sem hluta af viðsnúningsáætlun sinni „Renaulution“. Áætlað er að gerðin verði sett á markað árið 2024.
Þegar Niva varð eldri án verulegra uppfærslna leituðu rússneskir kaupendur til annarra bíla frá keppinautum eins og Hyundai og Kia. Það voru 29.089 seldar í Rússlandi í fyrra, samanborið við 126.112 eintök af söluhæstu gerð Lada, Granta, litla bílnum, sem er jafnframt mest seldi bíll Rússlands, samkvæmt tölum AEB bílaframleiðendanefndarinnar.
Lada Granta – söluhæsti bíll Lada.
„Endurræsing Niva mun gera kleift að endurgera Lada sem vörumerki,“ sagði de Meo á fimmtudag þegar hann kynnti viðmiðunaráætlun hópsins „Renaulution“. Aðgengi að jeppanum „tvöfaldar gróðapottinn“ sem Lada getur tekið þátt í, sagði hann.
Hann hrósaði núverandi bíl og lýsti honum sem „Cult vöru, útgáfa rússneska bílaiðnaðarins á svissneska vasahnífnum“.
Lada setti Jean-Philippe Salar, fyrrum hönnunarstjóra Renault Group í Austur-Evrópu þar á meðal Dacia, í starfið frá 1. janúar.
Núverandi gerðir Niva
Niva nafnið hefur farið í gegnum nokkrar breytingar á undanförnum árum.
Í desember endurmerkti Avtovaz Chevrolet Niva sem Lada Niva Travel en 4x4 varð að Lada Niva Legend.
Lada Niva Legend eða „þjóðsagan“ er nýjasta nafnið fyrir torfærugerðir rússnesku, sem er frá áttunda áratugnum.
„Með endurkomu hins goðsagnakennda Niva nafns til Lada fjölskyldunnar opnum við nýja síðu í sögu hennar,“ sagði Yves Karakatzanis, forseti Avtovaz, í yfirlýsingu.
Tilraun Lada til að búa til flóknari lítinn jeppa sem kallast XRay hefur ekki borið árangur. Gerðin var kynnt árið 2015 af fyrrverandi forstjóra Bo Andersson með loforði um að það myndi vinna aftur kaupendur í þéttbýli en í fyrra stóð XRay fyrir sölu á aðeins 19.286 eintökum. Systurbíll Xray, Vesta, náði mun meiri árangri, með 107.281 eintaka sölu, næstmest seldi bíll Rússlands í fyrra.
(Automotive News Europe)
Aðrar umfjallanir
Búist er við að ID7, áður þekktur sem ID Aero, komi í sölu á næsta ári með bestu drægni á rafhlöðu frá vörumerkinu...
Hlutirnir ganga hratt á sportjeppamarkaðinum og Mercedes er þegar í gangi með þróun á vandlega yfirfarinni útgáfu af GLC-sportjeppanum...
Það er ekkert óeðlilegt við það að tárast yfir því að sjá 34 ára E28 fara í gang eftir tólf ára hlé og vanrækslu. Er það nokkuð? Nei, gott því annars væri maður kannski eitthvað spes.
Það var vel við hæfi að hafa þessa frumsýningu á nýjum rafbíl í þessu húsi, því Gróska hugmyndahús er suðupottur nýsköpunar á Íslandi...