Nýr 2022 Mercedes GLC mun keppa við Audi Q5 og BMW X3 með glæsilegu nýju útliti
- Næsta kynslóð Mercedes GLC sportjeppans mun fá tækni frá S-Classt þegar hann kemur um mitt ár 2022
Hlutirnir ganga hratt á sportjeppamarkaðinum og Mercedes er þegar í gangi með þróun á vandlega yfirfarinni útgáfu af GLC-sportjeppanum. Þegar hann kemur á markað um mitt ár 2022 mun GLC þar með ljúka einu annasamasta tímabili í sögu þýska fyrirtækisins sem sent hefur frá sér marga nýja bíla á þessum tíma.
Sportjeppar eru meira en 33 prósent af sölu fyrirtækisins á heimsvísu og GLC er söluhæsti jeppi vörumerkisins í Bretlandi.
Til að tryggja að Mercedes haldi sínum hlut í samkeppni við keppinauta eins og Audi Q5 og BMW X3, hefur fyrirtækið ákveðið að uppfæra tækni og gæði.
Þetta byrjar með með róttækri uppfærslu fyrir innanrými GLC, sem mun byggja að miklu leyti á hönnun komandi S-Class eðalvagna.
Núverandi röð stafrænna skjáa sem teygir sig lárétt yfir mælaborðið verður lagður til hliðar og í staðinn kemur einn skjá í anda Tesla sem situr í miðju mælaborðsin. Njósnamyndir hafa leitt í ljós að frekar en að samþætta allar aðgerðir bílsins á skjánum, þá mun lítið hnappaborð með snertihnöppum vera rétt undir stóra skjánum og veita aðgang að loftslagsstýringu og aðgerðum leiðsögukerfisins. Engir raunverulegir hnappar eða skífur verða til staðar.
Frumgerðir sem sáust í prófunum í Þýskalandi, sýna einnig að GLC mun vaxa að stærð. Hann er greinilega lægri og lengri en núverandi bíll og breytingarnar ættu að hjálpa til við að veita sportjeppanum sléttara yfirbragð.
Myndir Auto Express sem fylgja hér með gefa betri hugmynd um hvernig bíllinn sem kemur í sýningarsali umboða árið 2020 gæti litið út og innifelur nýjustu hönnun Mercedes og útlit á ljósum.
GLC mun halda áfram með „Mercedes Modular Rear Architecture“, en mun njóta góðs af umtalsverðum uppfærslum til að gera fyrirtækinu kleift að kynna til sögunnar fjölbreyttari drifrásir rafbíla og fágaðri sjálfvirkan akstursvirkni.
Vélbúnaður verður áfram fjögurra strokka bensín- og dísilvélar, en búist er við að allir verði paraðir við nýja 48V væga blendingstækni (hybrid). Mercedes vísar til slíkra eininga sem EQ Boost.
Notkun þéttari rafgeymis (ekki stærri en núverandi eining) í annarri kynslóð líkansins ætti að auka rafmagnssviðið í um það bil 56 kílómetra, en án þess að hafa áhrif á hagkvæmni.
Mercedes mun einnig halda áfram að smíða á grunni vetnistækni sína, með GLC F-Cell. Þetta mun tryggja að fyrirtækið hefur eitt breiðasta aflgjafaframboð allra farartækja sem eru til sölu með þessum nýja GLC.
(byggt á grein á Auto Express)
Aðrar umfjallanir
Hjón sem búa í Worcester á Englandi hafa verið með eindæmum óheppin hvað bíla snertir, eða öllu heldur búsetu og bíla. Orðið „óheppni“ nær tæplega yfir það sem um ræðir en einhvern veginn er ekið fáránlega oft á bíla þeirra framan við heimilið.
Það getur vel verið að þeir séu fljótir að flytja búslóðir fyrir fólk. En þeir eru líka fljótir að beygla bíla. Þessi ekur fyrir Quick Move í Glasgow.
Dúkkurnar sem notaðar eru við prófanirnar eru af öllum stærðum og gerðum. Þær eru langt frá því ódýrar! Þær geta kostað allt að milljón sænskra króna stykkið, og reiknið þið nú!
Maður nokkur í Bandaríkjunum keypti notaðan bíl til að gefa dóttur sinni í afmælisgjöf. Hún var nefnilega að fá bílpróf. Þegar maðurinn var að gera bílinn fínan fann hann umslag undir gúmmímottu í hanskahólfinu. Umslagið var stílað á nýjan eiganda bílsins.