Fiat Chrysler bætir 3 sportjeppum við í Evrópu, þar á meðal Fiat 500X blæjubíl
MÍLANÓ - Fiat Chrysler Automobiles munu setja á markað þrjár nýjar gerðir sportjeppa fyrir Fiat, Alfa Romeo og Maserati vörumerkin á þessu ári, þar sem bílaframleiðandinn mun auka framboð sitt í vaxandi flokki.
Alfa Romeo Tonale, sýndur hér sem hugmyndabíll, verður smíðaður í verksmiðju FCA í Pomigliano á Ítalíu.
500X Cabrio, eða blæjubíllinn, var kynntur birgjum seint í síðasta mánuði af framkvæmdastjóra FCA í Evrópu, Pietro Gorlier, samkvæmt ítölskum fréttum og talsmaður fyrirtækisins staðfesti á fimmtudag nýju gerðina við Automotive News Europe.
Blæjuútgáfa af Fiat 500X mun keppa við hinn eina annan blæjubíl Evrópu í þessum flokki, Volkswagen T-Roc Cabriolet, sem kynntur var í fyrra. Aðrar nýlegar tilraunir til að smíða blæjubíla byggða á sportjeppa eða crossover gerðum voru meðal annars Range Rover Evoque og Nissan Murano CrossCabriolet.
Samkvæmt FIM mun Fiat einnig setja á markað væga tvinnútgáfu af 500X á þessu ári.
Fiat 500X verður einnig til í blæjuútgáfu.
Framleiðsla á Tonale og Grecale hefst árið 2021
Einnig hefur verið staðfest að framleiðsla Alfa Romeo Tonale hefst í verksmiðjunni Pomigliano á Suður-Ítalíu seinni hluta þessa árs. Tonale er byggður á breyttri útgáfu af grunni og drifrás Jeep Compass. Bíllinn var sýndur sem hugmyndabíll á bílasýningunni í Genf 2019.
Fréttir af niðurfellingu Giulietta höfðu lekið út í apríl. Rúmlega 9.500 eintök voru seld út nóvember í fyrra, samkvæmt tölum JATO.
Mynd af Maserati Grecale jeppanum sem smíðaður verður á Giorgio grunninum sem notaður er fyrir Alfa Romeo Stelvio.
Framleiðsla dregst saman á Ítalíu
Ítalskar verksmiðjur FCA settu saman 717.636 ökutæki á síðasta ári, sem er 12 prósent samdráttur frá 2019 og lægsta stig síðan 2014, sagði FIM.
(frétt á Automotive News Europe)
Aðrar umfjallanir
Það er ekki að ástæðulausu sem eigendur Tesla Plaid ættu hreinlega að elska umferðarljós. Það er að segja ef þeir eru fremstir á rauðu ljósi. Þetta örstutta myndband segir allt sem segja þarf um það.
Electronic Stability Program (ESP) eða „rafeindastýrt stöðugleikakerfi“ er tölvuvædd öryggistækni sem er til...
Mercedes-AMG afhjúpaði C 63, nýja toppgerð C-Class bílaframleiðandans, með tvinndrifrás sem kemur í stað hefðbundins V-8 fólksbíls...
Öðru hvoru hafa borist fréttir af því að Apple ætli sér inn á rafbílamarkaðinn. Á dögunum kom Reuters-fréttastofan með aðeins ítarlegri fréttir um málið.